DYONDZO 16

Vulavula Hi Ndlela Leyi Akaka

Yobo 16:5

HI KU KOMISA: Vulavula hi swilo leswi nga antswisaka xiyimo kumbe leswi nga ta tiyisa vayingiseri va wena.

Vana ni langutelo lerinene hi vayingiseri va wena. Tiyiseka leswaku Vakrestekuloni va lava ku tsakisa Yehovha. Hambiloko swi lava leswaku u va nyika ndzayo, sungula hi ku va bumabumela swi suka embilwini.

Vulavula na vona hi ndlela ya rirhandzu. N’wayitela loko u ri karhi u vulavula, sweswo swi ta endla leswaku vayingiseri va wena va swi xiya leswaku wa khathala ha vona.
U nga vulavuli ngopfu hi timhaka leti nga tsakisiki. Vulavula hi mhaka leyi nga tsakisiki ntsena loko yi ta pfuna hi ndlela yo karhi. U fanele u heta nkarhi wo tala u ri karhi u vulavula hi timhaka leti akaka.
Tirhisa Rito ra Xikwembu hi ndlela leyinene. Vulavula hi swilo leswi Yehovha a swi endleke, a swi endlaka sweswi ni leswi a nga ta swi endlela vanhu. Khutaza vayingiseri va wena u tlhela u va tiyisa.