DYONDZO 17

Veka Mhaka Hi Ndlela Leyi Twisisekaka

1 Vakorinto 14:9

HI KU KOMISA: Pfuna vayingiseri va wena va twisisa mongo wa leswi u swi vulaka.

Hlaya rungula ra wena hi ku phindhaphindha. Yi twisise kahle nhlokomhaka leyi u nga ta vulavula ha yona leswaku u ta kota ku yi hlamusela hi ndlela yo olova hi marito ya wena.
U nga lehisi naswona tirhisa marito lama twisisekaka hi ku olova. Tirhisa swiga swo koma ni marito lama twisisekaka hi ku olova loko u vulavula hi tinhla ta nkoka.

Papalata ku boxa vuxokoxoko lebyi nga pfuniki nchumu lebyi nga pfilunganyaka vayingiseri va wena. Tirhisa ririmi leri twisisekaka hi ku olova.
Hlamusela marito lama nga tolovelekangiki. Loko swi koteka, papalata ku tirhisa marito lawa vayingiseri va wena va nga ma tolovelangiki. Loko u vulavula hi rito leri nga tolovelekangiki, munhu wa le Bibeleni kumbe mukhuva wa khale, hlamusela vayingiseri va wena hi ndlela leyi va nga ta swi twisisa hi ku olova leswi u swi vulaka.