Rirhandzu Ra Nkoka Swinene

HAKANYINGI eMatsalweni ya Vukreste ya Xigriki kumbe Testamente Leyintshwa, rito “rirhandzu” ri hundzuluxeriwa ri huma eka rito ra Xigriki leri nge a·gaʹpe.

Loko yi hlamusela rito rero, buku leyi nge Insight on the Scripturesa yi ri: “Rirhandzu [a·gaʹpe] a ri lawuriwi hi mintlhaveko naswona a hi ku titwa u rhandza munhu ntsena hileswi u nga ni vunghana na yena hilaha vo tala va anakanyaka hakona, kambe i ku kombisa vumunhu, ku nga ku tiyimisela ku endla leswinene hi ku landza nsinya wa nawu. (Rirhandzu) a·gaʹpe ri endla leswaku munhu a hlula rivengo, a ri pfumeleli rivengo leswaku ri endla munhu a fularhela mimpimanyeto leyinene kutani a rihisela hi rivengo.”

Rirhandzu ra a·gaʹpe ri nga tlhela ri katsa ntlhaveko lowukulu. Muapostola Petro u tsundzuxile: “Rhandzanani hi rirhandzu [a·gaʹpe] ro enta.” (1 Petro 4:8) Xisweswo, ku nga vuriwa leswaku a·gaʹpe ri katsa mbilu ni mianakanyo. Ha yini u nga kambisisi matsalwa man’wana lama kombisaka matimba ni vukulu bya muxaka lowu wa nkoka wa rirhandzu? Matsalwa lama landzelaka ma nga ku pfuna: Matewu 5:43-47; Yohane 15:12, 13; Varhoma 13:8-10; Vaefesa 5:2, 25, 28; 1 Yohane 3:15-18; 4:16-21.

[Nhlamuselo ya le hansi]