Ta Vantshwa Va Hina

Yimela Vugandzeri Bya Ntiyiso!

Swiletelo: Endla xitoloveto lexi endhawini leyi nga riki na pongo. Loko u hlaya matsalwa, tianakanye u ri eka xiendlakalo xa kona. Xi vone hi mahlo ya mianakanyo. Twana leswi vanhu va kona va swi vulaka. Titwe hi ndlela leyi va titwaka ha yona. Endla leswaku rungula leri ri hanya.

Swimunuhatwa-nkulu: Eliya, Akabu ni vaprofeta va Bali va 450

Nkatsakanyo: Eliya a kombisa leswaku Yehovha u tlakukile eka Bali.

1 VONA XIENDLAKALO XA KONA HI MAHLO YA MIANAKANYO.—HLAYA 1 TIHOSI 18:17-40.

Ephepheni, mpfampfarhuta swifaniso leswi kombisaka laha u vonaka onge Eliya a a yime kona, laha vaprofeta va Bali a va yime kona ni laha tialitari a ti ri kona.

Xana u twa mimpfumawulo ya njhani eka mpfilumpfilu lowu nga kona eka xivono lexi hlamuseriweke eka tindzimana 26 ku ya eka 29?

․․․․․

U ehleketa leswaku Eliya a a titwa njhani loko a vulavula ni vaprofeta va Bali?

․․․․․

2 ANAKANYISISA SWINENE HI MHAKA LEYI.

Ha yini a swi lava leswaku Eliya a va ni xivindzi leswaku a kota ku vulavula na Akabu naswona a endla ndzingo lowu a wu ta endla leswaku vaprofeta va Bali va madzana va khomiwa hi tingana? (Lexi nga ku pfunaka ku kuma nhlamulo: Hlaya 1 Tihosi 18:4, 13, 14.)

․․․․․

Hi ku tirhisa swilo swo endla ndzavisiso leswi u nga na swona, kumisisa leswaku a byi ri njhani vugandzeri bya Bali. Hi xikombiso, i yini leswi a va swi endla evugandzerini bya vona? Xana vugandzeri bya Bali byi ve ni vuyelo byihi eka Vaisrayele?

․․․․․

U ehleketa leswaku ha yini Eliya a endle khele etlhelo ka alitari ya Yehovha kutani a ri tata hi mati?

․․․․․

3 TIRHISA LESWI U SWI DYONDZEKE. SWI TSALE EHANSI LESWI U SWI DYONDZEKE MALUNGHANA NI . . .

Xivindzi lexi u faneleke u va na xona leswaku u yimela vugandzeri bya ntiyiso.

․․․․․

Vuyelo lebyi kumiwaka hi lava kombisaka xivindzi xo tano.

․․․․․

SWIN’WANA LESWI U NGA SWI TIRHISAKA.

Hi le ka swiyimo swihi evuton’wini laha u nga kombisaka xivindzi leswaku u yimela vugandzeri bya ntiyiso?

․․․․․

4 HI WIHI NCHUMU WA NKOKA LOWU U WU DYONDZEKE EKA RUNGULA LERI NASWONA HA YINI?

․․․․․

Loko u nga ri na bibele, yi kombele eka timbhoni ta yehovha kumbe u hlaya minkandziyiso leyi sekeriweke ebibeleni eka www.watchtower.org

[Bokisi leri nga eka tluka 31]

Rungula Leri Khumbaka Ntsombano Wa Muganga

Rungula leri khumbaka masiku ni tindhawu ta mintsombano ya muganga ya lembe ni lembe ri nga kumiwa eka Web site ya jw.org.