Watchtower LAYIBURARI YA LE KA WEB SITE
Watchtower
LAYIBURARI YA LE KA WEB SITE
Xitsonga
  • BIBELE
  • MIKANDZIYISO
  • TINHLENGELETANO TA VANDHLA
  • w14 12/1 tl. 3
  • Xana U Titwa U Ri Ni Vunghana Ni Xikwembu?

A ku na vhidiyo.

Hi khomele, ku ve ni xiphiqo loko hi tlanga vhidiyo leyi.

  • Xana U Titwa U Ri Ni Vunghana Ni Xikwembu?
  • Xihondzo xo Rindza Xi Huwelela Mfumo Wa Yehovha—2014
  • Swihloko
  • Tinhlokomhaka Tin'wana Leti Yelana Na Yona
  • SWA KOTEKA KU VA NI VUNGHANA NI XIKWEMBU
  • A Ku Na Ndlela Yo Antswa eVuton’wini Ku Tlula Leyi
    Xihondzo xo Rindza Xi Huwelela Mfumo Wa Yehovha—2014
  • Xana U Nga Swi Kota Hakunene ‘Ku Tshinela Eka Xikwembu’?
    Tshinela Eka Yehovha
  • Xana Wa Vulavurisana Ni Xikwembu?
    Xihondzo xo Rindza Xi Huwelela Mfumo Wa Yehovha—2014
  • Xana U Ni Vuxaka Bya Xiviri Na Yehovha?
    Xihondzo xo Rindza Xi Huwelela Mfumo Wa Yehovha—2015
Vona Swo Tala
Xihondzo xo Rindza Xi Huwelela Mfumo Wa Yehovha—2014
w14 12/1 tl. 3
Wanuna a ri karhi a ehleketa hi Xikwembu

NHLOKO-MHAKA YA XIFUNENGETO | U NGA VA MUNGHANA WA XIKWEMBU

Xana U Titwa U Ri Ni Vunghana Ni Xikwembu?

“Ku va ni vuxaka ni Xikwembu swi ku endla u titwa u sirhelelekile, u tsakile u tlhela u eneriseka. U titwa onge Xikwembu xi tshama xi langute leswinene leswi u swi endlaka.”—CHRISTOPHER, JAHA RA LE GHANA.

“Xikwembu xa swi vona swiyimo swa wena leswi nga tsakisiki naswona xa ku rhandza xi tlhela xi khathala hi wena minkarhi hinkwayo.”—HANNAH LA NGA NI MALEMBE YA 13 EALASKA LE U.S.A.

“Swa tsakisa swi tlhela swi rhurisa mbilu ku tiva leswaku u ni vuxaka ni Xikwembu.”—GINA, WANSATI WA LE JAMAICA LA NGA EMALEMBENI YA VA-40.

Christopher, Hannah, na Gina, a hi vona ntsena lava titwaka hi ndlela leyi. Vanhu vo tala emisaveni hinkwayo, va tiyiseka leswaku Xikwembu xi va teka tanihi vanghana va xona. Wena ke? Xana u titwa u ri kusuhi ni Xikwembu? Kumbe, xana u nga swi tsakela ku va ni vuxaka ni Xikwembu? Swi nga ha endleka u tivutisa u ku: ‘Xana swa koteka leswaku munhu a va ni vuxaka ni Xikwembu xa Matimba Hinkwawo? Loko swi ri tano, xana swi koteka njhani?’

SWA KOTEKA KU VA NI VUNGHANA NI XIKWEMBU

Bibele yi vula leswaku swa koteka ku va ni vuxaka ni Xikwembu. Yi tlhela yi vula leswaku Xikwembu xi byele Abrahama loyi a a ri Muheveru xi ku i “nakulorhi.” (Esaya 41:8) Nakambe xiya xirhambo lexi nga eka Yakobo 4:8 lexi nge: “Tshinelani eka Xikwembu, kutani xi ta tshinela eka n’wina.” Hikwalaho, swi le rivaleni leswaku swa koteka ku va ni vuxaka ni Xikwembu. Kambe leswi Xikwembu xi nga vonakiki, u nga swi kotisa ku yini ku ‘tshinela’ eka xona ni ku va munghana wa xona?

Leswaku hi hlamula xivutiso lexi, xiya leswi lavekaka leswaku vunghana bya vanhu byi kula. Xo sungula vanhu vambirhi va fanele va tivana mavito. Endzhaku ka sweswo, loko va tshamela ku vulavurisana, va phofulelana ta le mbilwini, sweswo swi endla leswaku vuxaka bya vona byi kula. Loko va endla matshalatshala yo endlelana leswinene, vunghana bya vona bya kula. Swi tano ni hi ku va ni vuxaka ni Xikwembu. A hi voneni leswaku ha yini hi vula tano.

    Minkandziyiso Ya Xitsonga (1987-2025)
    Huma
    Nghena
    • Xitsonga
    • Rhumela
    • Leswi u swi tsakelaka
    • Copyright © 2025 Watch Tower Bible and Tract Society of Pennsylvania
    • Swipimelo Swo Tirhisa Website Leyi
    • Milawu Yo Sirhelela Rungula Ra Xihundla
    • Seta Swa Xihundla
    • JW.ORG
    • Nghena
    Rhumela