Watchtower LAYIBURARI YA LE KA WEB SITE
Watchtower
LAYIBURARI YA LE KA WEB SITE
Xitsonga
  • BIBELE
  • MIKANDZIYISO
  • TINHLENGELETANO TA VANDHLA
  • w15 4/1 matl. 4-7
  • Lunghiselelo Ra Dyondzo Ya Bibele Ra Vanhu Hinkwavo

A ku na vhidiyo.

Hi khomele, ku ve ni xiphiqo loko hi tlanga vhidiyo leyi.

  • Lunghiselelo Ra Dyondzo Ya Bibele Ra Vanhu Hinkwavo
  • Xihondzo xo Rindza Xi Huwelela Mfumo Wa Yehovha—2015
  • Swihloko
  • Tinhlokomhaka Tin'wana Leti Yelana Na Yona
  • TINHLAMULO TA SWIVUTISO LESWI TALAKA KU VUTISIWA HI LUNGHISELELO RA HINA RA DYONDZO YA BIBELE
  • I Yini Dyondzo Ya Bibele Leyi Dyondzisiwaka Hi Timbhoni Ta Yehovha?
    Swivutiso Leswi Talaka Ku Vutisiwa malunghana ni Timbhoni ta Yehovha
  • Hi Nga Ti Kuma Kwihi Tinhlamulo Ta Swivutiso Swa Nkoka eVuton’wini?
    Hi Nga Ti Kuma Kwihi Tinhlamulo Ta Swivutiso Swa Nkoka eVuton’wini?
  • I Yini Leswi Ndzi Nga Swi Endlaka Leswaku Ndzi Tiphina Hi Ku Hlaya Bibele?
    Xalamuka!—2012
  • Xana u tiphinile hi leswi u swi dyondzeke?
    Tiphine Hi Vutomi Hilaha Ku Nga Heriki!—Sungula Ku Dyondza Bibele
Vona Swo Tala
Xihondzo xo Rindza Xi Huwelela Mfumo Wa Yehovha—2015
w15 4/1 matl. 4-7

NHLOKOMHAKA YA XIFUNENGETO | HA YINI U FANELE U DYONDZA BIBELE?

Lunghiselelo Ra Dyondzo Ya Bibele Ra Vanhu Hinkwavo

Timbhoni ta Yehovha ti tiviwa ngopfu hi ntirho wa tona wo chumayela erivaleni. Kambe, xana a wu swi tiva leswaku hi tlhela hi va ni lunghiselelo ra dyondzo ya Bibele emisaveni hinkwayo?

Hi 2014, Timbhoni ta Yehovha to tlula 8 000 000 ematikweni ya 240, ti khome tidyondzo ta Bibele ta kwalomu ka 9 500 000 n’hweti ni n’hweti.a Vanhu lava dyondzaka Bibele na hina, va tlula nhlayo ya vaakatiko va matiko ya 140.

Leswaku Timbhoni ta Yehovha ti yisa emahlweni ntirho lowu wo dyondzisa, ti kandziyisa Tibibele, tibuku, timagazini ni swin’wana swo pfuneta ku dyondzisa Bibele swa kwalomu ka biliyoni ni hafu hi tindzimi ta kwalomu ka 700. Matshalatshala lawa lamakulu ma endla leswaku vanhu va kota ku dyondza Bibele hi tindzimi ta vona.

“A ndzi nga swi rhandzi ku dyondza loko ndza ha nghena xikolo, kambe dyondzo leyi ya Bibele a yi ndzi tsakisa. Swilo leswi ndzi swi dyondzeke swi ndzi chavelerile swinene!”—Katlego wa le Afrika Dzonga.

“Dyondzo leyi yi hlamule swivutiso swa mina hinkwaswo ni swin’wana swo tala.”—Bertha wa le Mexico.

“Dyondzo ya Bibele a yi khomeriwa ekaya ra mina hi nkarhi lowu ndzi wu tsakelaka. A ku nga ri nchumu lowu tikaka.”—Eziquiel wa le Brazil.

“Minkarhi yin’wana a hi dyondza timinete ta 15 ku ya eka 30 kumbe ku tlula, a swi ya hi mina.”—Viniana wa le Australia.

“A ndzi dyondzisiwa mahala naswona a swi tsakisa swinene!”—Aimé wa le Benin.

“Munhu loyi a a ndzi dyondzisa Bibele a a lehisa mbilu naswona a ri ni musa. Hi ve vanghana lavakulu.”—Karen wa le Ireland N’walungu.

“Vanhu vo tala va dyondza Bibele, kambe a va vi Timbhoni.”—Denton wa le Nghilandhi.

TINHLAMULO TA SWIVUTISO LESWI TALAKA KU VUTISIWA HI LUNGHISELELO RA HINA RA DYONDZO YA BIBELE

Dyondzo leyi yi fambisiwa njhani?

Hi bula hi tinhlokomhaka to hambanahambana ta le Bibeleni kutani hi kambisisa tindzimana ta Bibele leti fambisanaka ni timhaka toleto. Hi xikombiso, Bibele yi hlamula swivutiso swo tanihi leswi: Xikwembu i mani? Xi njhani? Xana xi ni vito? Xi tshama kwihi? Xana hi nga tshinela eka xona? Kambe xa nkoka i ku tiva leswaku u ta tikuma kwihi tinhlamulo eBibeleni.

Leswaku hi pfuna vanhu va kuma tinhlamulo, hi tirhisa buku ya matluka ya 224 leyi nge, Xana Bibele Yi Dyondzisa Yini Hakunene?b Buku leyi yi endliwe hi xikongomelo xo pfuna vanhu leswaku va twisisa tidyondzo ta xisekelo ta Bibele. Tidyondzo toleto ti katsa ni leti vulavulaka hi Xikwembu, Yesu Kreste, ku xaniseka ka vanhu, ku pfuxiwa ka vafi, xikhongelo ni tin’wana to tala.

Xana dyondzo yi nga khomiwa rini naswona kwihi?

Dyondzo yi nga khomiwa endhawini leyi u yi tsakela ni hi nkarhi lowu u wu tsakelaka.

Hi siku ku dyondziwa nkarhi wo tanihi kwihi?

Vanhu vo tala vhiki ni vhiki va tivekela nkarhi wo ringana awara kumbe ku tlula leswaku va dyondza Bibele. Kambe ku leha ka dyondzo ku ya hi xiyimo xa munhu naswona hi fambisana na xona. Van’wana va dyondza nkarhi wo ringana 10 kumbe 15 wa timinete hi vhiki.

Dyondzo leyi i mali muni?

Dyondzo leyi ni minkandziyiso yo dyondza ha yona i mahala. Sweswo swi fambisana ni nkongomiso lowu Yesu a wu nyikeke valandzeri vakwe lowu nge: “Mi amukele mahala, nyikani mahala.”—Matewu 10:8.

Dyondzo hinkwayo yi heta nkarhi wo tanihi kwihi?

U nga ya emahlweni u dyondza ntsena loko wa ha swi tsakela. Buku leyi nge, Xana Bibele Yi Dyondzisa Yini Hakunene? yi ni tidyondzo ta 19. U nga heta tindzima hinkwato hi nkarhi wa wena.

Xana ndzi fanele ndzi va Mbhoni ya Yehovha?

E-e. Hi ku titsongahata ha swi xiya leswaku munhu ha un’we u ni lunghelo ro hlawula leswi a lavaka ku pfumela eka swona. Vanhu lava se va nga ni vutivi bya xisekelo bya Bibele, hi vona va tihlawulelaka hi ku ya hi vutivi lebyi va byi kumeke.

Ndzi nga ri kuma kwihi rungula leri engetelekeke?

Web site ya jw.org/ts yi ni rungula ra ntiyiso hi leswi Timbhoni ta Yehovha ti swi pfumelaka ni mintirho ya tona.

Ndzi nga yi kombela njhani dyondzo ya Bibele?

  • Rhumela xikombelo eka Web site ya hina ya www.jw.org/ts.

  • Tsalela adirese ya le kusuhi na wena eka leti longoloxiweke eka tluka ra vumbirhi ra magazini lowu.

  • Tihlanganise ni Timbhoni ta Yehovha ta le kusuhi na wena. U nga pfula laha ku tsariweke leswaku “Timbhoni ta Yehovha” eka tinomboro leti longoloxiweke ta tinqingho ta le ndhawini leyi u tshamaka eka yona.

a Tidyondzo ta Bibele ti khomiwa ni munhu ha un’we kumbe mintlawa leyitsongo.

b Yi kandziyisiwe hi Timbhoni ta Yehovha. Ku kandziyisiwe tikopi leti tlulaka 230 wa timiliyoni ta buku leyi, hi tindzimi to tlula 260.

LESWI PFUNAKA MINDYANGU

Loko nsati wa mina a sungula ku dyondza Bibele, ndzi xiye ku cinca lokukulu eka yena. Vutomi bya ndyangu wa hina byi ye byi antswa. Leswi a ndzi navela ku tiva leswi a a swi dyondza, na mina ndzi sungule ku dyondza. Leswi ndzi swi dyondzeke swi ndzi endle munhu wo antswa. Ku dyondza Bibele swi endle leswaku ndyangu wa hina wu va ni vun’we.”—Eziquiel.

“Endzhaku ko sungula ku dyondza Bibele, ndzi tshike ku tirhisa swidzidziharisi, vudakwa ndzi tlhela ndzi dyondza ku lawula vukarhi bya mina. Sweswi yindlu ya mina yi basile yi tlhela yi hleleka. Ndzi rhandza ndyangu wa mina swinene naswona ndzi rhandza ku wu endlela swilo leswinene leswaku wu tsaka. Ndzi tsakile swinene.”—Karen.

Vanhu van’wana a va ndzi sola hi ku va ndzi dyondza Bibele. Kambe nuna wa mina u ndzi seketerile eka xiboho lexi ndzi xi endleke, u te: ‘A ndzi na mhaka ni leswaku vanhu va ri yini. Loko ndzi vona u cinca u va munhu lonene, hi swona swi nga swa nkoka eka mina. Yana emahlweni u endla leswi u swi endlaka.’ Vutomi bya ndyangu wa hina bya antswa swinene!”—Viniana.

    Minkandziyiso Ya Xitsonga (1987-2025)
    Huma
    Nghena
    • Xitsonga
    • Rhumela
    • Leswi u swi tsakelaka
    • Copyright © 2025 Watch Tower Bible and Tract Society of Pennsylvania
    • Swipimelo Swo Tirhisa Website Leyi
    • Milawu Yo Sirhelela Rungula Ra Xihundla
    • Seta Swa Xihundla
    • JW.ORG
    • Nghena
    Rhumela