Vito ra Xikwembu (leri kombisiweke laha) hilaha ri humelelaka hakona eka matsalwa ya khale ya Bibele lama tsariweke hi voko
I Yini Leswi Bibele Yi Swi Vulaka?
Xana Xikwembu xi ni vito?
VANHU VAN’WANA VA VULA leswaku a xi na vito, van’wana va vula leswaku i Xikwembu kumbe Hosi, hambiswiritano van’wana va vula leswaku xi ni mavito yo tala. U anakanya yini?
LESWI BIBELE YI SWI VULAKA
“Wena loyi vito ra wena u nga Yehovha, wena u ri wexe u La nge Henhla-henhla emisaveni hinkwayo.”—Pisalema 83:18.
I YINI SWIN’WANA LESWI HI NGA SWI DYONDZAKA EBIBELENI?
Hambileswi Xikwembu xi nga ni swithopo swo tala, xi tithye vito rin’we.—Eksoda 3:15.
A swi tiki ku tiva Xikwembu naswona xi lava leswaku hi xi tiva.—Mintirho 17:27.
Ku tiva vito ra Xikwembu ku nga va goza ro sungula ro va ni vuxaka na xona.—Yakobo 4:8.
Xana swi hoxile ku vitana vito ra Xikwembu?
XANA A WU TA KU YINI?
Ina
Nikatsongo
Swi ya hi swiyimo
LESWI BIBELE YI SWI VULAKA
“U nga tshuki u khoma vito ra Yehovha Xikwembu xa wena hi ndlela leyi nga pfuniki nchumu.” (Eksoda 20:7) Ku tirhisa vito ra Xikwembu hi ndlela leyi nga xiximekiki hi swona ntsena leswi hoxeke.—Yeremiya 29:9.
I YINI SWIN’WANA LESWI HI NGA SWI DYONDZAKA EBIBELENI?
Yesu a a ri tiva vito ra Xikwembu naswona u ri tirhisile.—Yohane 17:25, 26.
Xikwembu xi lava leswaku hi xi vitana hi vito ra xona.—Pisalema 105:1.
Valala va Xikwembu va ringeta ku endla leswaku vanhu va nga ri tivi vito ra xona.—Yeremiya 23:27.