Watchtower LAYIBURARI YA LE KA WEB SITE
Watchtower
LAYIBURARI YA LE KA WEB SITE
Xitsonga
  • BIBELE
  • MIKANDZIYISO
  • TINHLENGELETANO TA VANDHLA
  • wp16 No. 4 matl. 14-15
  • Vona Loko Leswi U Swi Pfumelaka Swi Fana Ni Leswi Bibele Yi Swi Dyondzisaka

A ku na vhidiyo.

Hi khomele, ku ve ni xiphiqo loko hi tlanga vhidiyo leyi.

  • Vona Loko Leswi U Swi Pfumelaka Swi Fana Ni Leswi Bibele Yi Swi Dyondzisaka
  • Xihondzo xo Rindza Xi Huwelela Mfumo Wa Yehovha (Nkandziyiso Wa Vanhu Hinkwavo)—2016
  • Swihloko
  • Tinhlokomhaka Tin'wana Leti Yelana Na Yona
  • NDLELA YO VONA LOKO LESWI HI SWI PFUMELAKA SWI FAMBISANA NI BIBELE
  • Mfumo Wa Xikwembu I Yini?
    Xana Bibele Yi Dyondzisa Yini Hakunene?
  • I Mani Yesu Kreste?
    Xihondzo xo Rindza Xi Huwelela Mfumo Wa Yehovha—2005
  • I Yini Mfumo Wa Xikwembu?
    I Yini Leswi Hi Nga Swi Dyondzaka eBibeleni?
  • Xana Timbhoni Ta Yehova Ti Pfumela Yini?
    Xana Timbhoni Ta Yehova Ti Pfumela Yini?
Vona Swo Tala
Xihondzo xo Rindza Xi Huwelela Mfumo Wa Yehovha (Nkandziyiso Wa Vanhu Hinkwavo)—2016
wp16 No. 4 matl. 14-15

Vona Loko Leswi U Swi Pfumelaka Swi Fana Ni Leswi Bibele Yi Swi Dyondzisaka

XANA u ti teka u ri Mukreste? Loko swi ri tano u un’wana wa vanhu lava tlulaka tibiliyoni timbirhi emisaveni hinkwayo lava vulaka leswaku va landzela Kreste. Namuntlha ku ni magidi ya mintlawa ya vukhongeri leyi tivitanaka Vakreste, kambe yi hambana hikwalaho ka tidyondzo leti kanetanaka ni mavonelo lama nga faniki. Kutani leswi u swi pfumelaka swi nga hambana ni leswi van’wana lava va tivitanaka Vakreste va swi pfumelaka. Xana i swa nkoka leswaku u pfumela yini? Ina, i swa nkoka, loko u lava ku va Mukreste wa ntiyiso hilaha Bibele yi hlamuselaka hakona.

Valandzeri vo sungula va Yesu Kreste a va vitaniwa “Vakreste.” (Mintirho 11:26) A ku nga ri na xivangelo xa leswaku va va ni vito rin’wana tanihi leswi hi nkarhi wolowo a ku ri ni vukhongeri byin’we bya Vukreste. Vakreste hinkwavo a va yingisa tidyondzo ni swileriso swa loyi a sunguleke Vukreste ku nga Yesu Kreste. Ku vuriwa yini hi kereke ya wena? Xana u tshemba leswaku yi dyondzisa leswi Kreste a swi dyondziseke ni leswi valandzeri vakwe vo sungula a va pfumela eka swona? U nga tiyiseka njhani? Ku ni ndlela yin’we ntsena ku nga ku tirhisa Bibele.

Anakanya hi leswi: Yesu Kreste a a xixima Matsalwa swinene tanihi Rito ra Xikwembu. Yesu u sole lava a va nga ti tekeli enhlokweni tidyondzo ta Bibele kambe va rhangisa mindhavuko ya vanhu. (Marka 7:9-13) Hi nga pfumela leswaku valandzeri va Yesu va ntiyiso hi lava tidyondzo ta vona ti sekeriweke eBibeleni. Mukreste un’wana ni un’wana u fanele a tivutisa leswi, ‘Xana tidyondzo ta kereke ya mina ta pfumelelana ni Bibele?’ Leswaku u kota ku hlamula xivutiso lexi, ha yini u nga pimanisi leswi kereke ya wena yi swi dyondzisaka ni leswi Bibele yi swi dyondzisaka?

Yesu u vule leswaku vugandzeri bya hina eka Xikwembu byi fanele byi va byi sekeriwe eka ntiyiso naswona ntiyiso wolowo wu kumeka eBibeleni. (Yohane 4:24; 17:17) Naswona muapostola Pawulo u vule leswaku ku pona ka hina ku titshege hi ku “fikelela vutivi lebyi kongomeke bya ntiyiso.” (1 Timotiya 2:4) I swa nkoka leswaku ripfumelo ra hina ri va ri sekeriwe eka ntiyiso wa Bibele. Loko swi nga ri tano a hi nge ponisiwi!

NDLELA YO VONA LOKO LESWI HI SWI PFUMELAKA SWI FAMBISANA NI BIBELE

Hi ku rhamba leswaku u hlaya swivutiso swa tsevu leswi fambisanaka ni mhaka leyi u tlhela u xiya tinhlamulo leti humaka eBibeleni. Hlaya Matsalwa lama kombisiweke u tlhela u anakanyisisa hi tinhlamulo leti. Kutani tivutise, ‘Xana tidyondzo ta kereke ya mina ta fambisana ni leswi Bibele yi swi vulaka?’

Swivutiso leswi swi nga ku pfuna leswaku u kuma tinhlamulo ta nkoka. Xana u tiyimiserile ku vona loko tidyondzo tin’wana ta kereke ya wena ti fambisana ni leswi Bibele yi swi vulaka. Timbhoni ta Yehovha ti nga swi tsakela ku ku pfuna leswaku u kambisisa ntiyiso lowu nga erivaleni wa Bibele. Ha yini u nga kombeli ku dyondzeriwa Bibele mahala hi un’wana wa Timbhoni? Kumbe u nghena eka website ya hina ya jw.org/ts.

1 XIVUTISO: Xikwembu i mani?

NHLAMULO: Yehovha Tata wa Yesu, i Xikwembu lexi nga riki na makumu naswona i Mutumbuluxi wa swilo hinkwaswo loyi a nga ni matimba hinkwawo.

LESWI BIBELE YI SWI VULAKA:

• “Hi nkhensa Xikwembu Tata wa Hosi ya hina Yesu Kreste minkarhi hinkwayo loko hi mi khongelela.”—Vakolosa 1:3.

• “Swa ku fanela, Yehovha, wena Xikwembu xa hina, ku amukela ku vangama ni ku xiximiwa ni matimba, hikuva u tumbuluxe swilo hinkwaswo.”—Nhlavutelo 4:11.

• Tlhela u hlaya Varhoma 10:13; 1 Timotiya 1:17.

2 XIVUTISO: Yesu Kreste i mani?

NHLAMULO: Yesu i N’wana wa mativula wa Xikwembu. Yesu u tumbuluxiwile, hi yona mhaka u ni masungulo. Yesu i mulandzeri wa Xikwembu naswona u endla ku rhandza ka xona.

LESWI BIBELE YI SWI VULAKA:

“Tatana u nkulu eka mina.”—Yohane 14:28.

“[Yesu] i xifaniso xa Xikwembu lexi nga vonakiki, mativula ya ntumbuluko hinkwawo.”—Vakolosa 1:15.

Tlhela u hlaya Matewu 26:39; 1 Vakorinto 15:28.

3 XIVUTISO: Moya lowo kwetsima i yini?

NHLAMULO: Moya lowo kwetsima i matimba lawa Xikwembu xi ma tirhisaka leswaku xi hetisisa ku rhandza ka xona. A hi munhu. Vanhu va nga tala hi moya lowo kwetsima wu tlhela wu va nyika matimba.

LESWI BIBELE YI SWI VULAKA:

“Loko Elizabeta a twa Mariya a xeweta, ricece leri nga embelekweni wakwe ri tshuka-tshuka; kutani Elizabeta a tala hi moya lowo kwetsima.”—Luka 1:41.

“Mi ta amukela matimba loko moya lowo kwetsima wu fika ehenhla ka n’wina.”—Mintirho 1:8.

• Tlhela u hlaya Genesa 1:2; Mintirho 2:1-4; 10:38.

4 XIVUTISO: Mfumo wa Xikwembu i yini?

NHLAMULO: Mfumo wa Xikwembu i hulumendhe ya le tilweni. Yesu i Hosi ya Mfumo wa Xikwembu. Ku nga ri khale Mfumo lowu wu ta endla leswaku ku rhandza ka Xikwembu ku endleka emisaveni hinkwayo.

LESWI BIBELE YI SWI VULAKA:

• “Ntsumi ya vunkombo yi yimba mhalamhala ya yona. Kavaloko ku twakala marito lamakulu etilweni, ma ku: ‘Mfumo wa misava se i mfumo wa Hosi ya hina ni wa Kreste wa yona, kutani u ta va hosi hi masiku ni masiku.’”—Nhlavutelo 11:15.

• Tlhela u hlaya Daniyele 2:44; Matewu 6:9, 10.

5 XIVUTISO: Xana vanhu hinkwavo lavanene va ya etilweni?

NHLAMULO: Doo. I ntlawa wutsongo wa vanhu vo tshembeka lava

vuriwaka “ntlhambinyana,” va hlawuriwa hi Xikwembu leswaku va ya etilweni. Va ta fuma vanhu na Yesu tanihi tihosi.

LESWI BIBELE YI SWI VULAKA:

• “Mi nga chavi, ntlhambinyana, hikuva Tata wa n’wina u tsakele ku mi nyika mfumo.”—Luka 12:32.

• “Va ta va vaprista va Xikwembu ni va Kreste, naswona va ta va tihosi swin’we na yena.”—Nhlavutelo 20:6.

• Tlhela u hlaya Nhlavutelo 14:1, 3.

6 XIVUTISO: Hi xihi xikongomelo xa Xikwembu hi misava ni vanhu?

NHLAMULO: Ehansi ka Mfumo wa Xikwembu, misava yi ta va paradeyisi naswona vanhu vo tshembeka va ta tiphina hi rihanyo lerinene, ku rhula ni vutomi lebyi nga heriki.

LESWI BIBELE YI SWI VULAKA:

• “Lavo rhula va ta dya ndzhaka ya misava, hakunene va ta kuma ntsako lowu heleleke eku rhuleni lokukulu.”—Pisalema 37:10, 11.

• “Xi ta sula mihloti hinkwayo ematihlweni ya vona, rifu a ri nge he vi kona, hambi ku ri ku kolola, ni xirilo ni xitlhavi a swi nge he vi kona. Swilo swo sungula swi hundzile.”—Nhlavutelo 21:3, 4.

• Tlhela u hlaya Pisalema 37:29; 2 Petro 3:13.

    Minkandziyiso Ya Xitsonga (1987-2025)
    Huma
    Nghena
    • Xitsonga
    • Rhumela
    • Leswi u swi tsakelaka
    • Copyright © 2025 Watch Tower Bible and Tract Society of Pennsylvania
    • Swipimelo Swo Tirhisa Website Leyi
    • Milawu Yo Sirhelela Rungula Ra Xihundla
    • Seta Swa Xihundla
    • JW.ORG
    • Nghena
    Rhumela