I Yini Leswi Bibele Yi Swi Vulaka?

Xana vukhongeri byi sungule hi munhu?

VANHU VAN’WANA VA TSHEMBA leswaku vukhongeri byi sungule hi vanhu; kasi van’wana va ehleketa leswaku Xikwembu xi tirhisa vukhongeri leswaku xi pfuna vanhu va kota ku tshinela eka xona.

U anakanya yini?

LESWI BIBELE YI SWI VULAKA

Ku ni “vugandzeri lebyi baseke ni lebyi nga nyamangiki hi ku ya hi langutelo ra Xikwembu tlhelo Tata wa hina.” (Yakobo 1:27) Vugandzeri bya ntiyiso lebyi tengeke byi huma eka Xikwembu.

I YINI SWIN’WANA LESWI HI NGA SWI DYONDZAKA EBIBELENI?

• Leswaku vukhongeri byi tsakisa Xikwembu, byi fanele byi va byi sekeriwe eka ntiyiso wa Bibele.​—Yohane 4:23, 24.

• Vugandzeri lebyi sekeriweke eka miehleketo ya munhu i bya hava.​—Marka 7:7, 8.

Xana i swa nkoka ku va xiphemu xa vukhongeri byo karhi?

XANA A WU TA KU YINI?

• Ina

• E-e

• Swi ya hi swiyimo

  LESWI BIBELE YI SWI VULAKA

  “A hi khathalelaneni leswaku hi khutazana erirhandzwini ni le mintirhweni leyinene, hi nga fularheli ku hlengeletana ka hina.” (Vaheveru 10:24, 25) Xikwembu xi lava leswaku vagandzeri va xona va hlengeletana tanihi ntlawa.

I YINI SWIN’WANA LESWI HI NGA SWI DYONDZAKA EBIBELENI?

• Lava gandzelaka Xikwembu va fanele va va ni vun’we.​—1 Vakorinto 1:10, 11.

• Swirho swa vukhongeri lebyi Xikwembu xi byi amukelaka swi vumba xiphemu xa vamakwerhu va misava hinkwayo.​—1 Petro 2:17.