I Yini Leswi Bibele Yi Swi Vulaka?

Xana Bibele yi nga ku pfuna leswaku u langutana ni ku vilela?

A wu ta hlamula njhani?

• Ina

• E-e

• Kumbexana

Leswi Bibele yi swi vulaka

“Mi lahlela ku vilela hinkwako ka n’wina eka [Xikwembu], hikuva xa mi khathalela.” (1 Petro 5:7) Bibele ya hi tiyisekisa leswaku Xikwembu xi nga ku pfuna leswaku u nga vileli ngopfu.

I yini swin’wana leswi hi nga swi dyondzaka eBibeleni?

• Loko u khongela, u nga kuma ku “rhula ka Xikwembu” loku hungutaka ku vilela.—Vafilipiya 4:6, 7.

• Ku engetela eka sweswo, ku hlaya Rito ra Xikwembu swi nga ku pfuna leswaku u kota ku langutana ni ntshikilelo.—Matewu 11:28-30.

Xana wu ta fika nkarhi lowu hi nga taka hi nga ha vileli?

Vanhu van’wana va tshemba . . . leswaku swa boha leswaku vanhu va vilela ni ku tshikileleka, kasi van’wana va tshemba leswaku vanhu va ta wisa ku vilela ni ku tshikileleka eka vutomi lebyi nga ta kumiwa endzhaku ka rifu. Wena u ri yini?

Leswi Bibele yi swi vulaka

Xikwembu xi ta herisa swilo hinkwaswo leswi hi vangelaka ku vilela. “Rifu a ri nge he vi kona, hambi ku ri ku kolola, ni xirilo ni xitlhavi a swi nge he vi kona.”—Nhlavutelo 21:4.

I yini swin’wana leswi hi nga swi dyondzaka eBibeleni?

• Loko ku fuma Mfumo wa Xikwembu, vanhu va ta hanya hi ku rhula.—Esaya 32:18.

• Vanhu a va nge he swi tsundzuki swilo leswi a swi va vilerisa ni ku va tshikilela.—Esaya 65:17.