Marungula Ya Swa Mfumo

Afrika Dzonga: Ku nyiketeriwe Tiholo ta Mfumo tinharhu le Meloding (eVirginia), ni le Vosloorus ni le Welkom East. Holo ya le Vosloorus, le Rhandhi Vuxa, yi akiwe hi mahelo-vhiki ya July 27 na 28. Vona ku hambana loku a ku ri kona loko madzana ya vatirhi vo tirhandzela lava rhuleke va tinxaka hinkwato va tirha swin’we, kasi a ku ri ni madzolonga yo chavisa ni ku duvulana etindhawini ta le kusuhi, eKatlehong ni le Thokoza!

Bahamas: Vahuweleri va 1 294 a va tsakile leswi va veke ni vanhu va 3 149 eMintsombanweni ya vona ya “Dyondzo Ya Xikwembu” ni ku vona vanhu va 38 va khuvuriwa.

Brazil: Hi July ku fikeleriwe nhlohlorhi ya vumune ya vahuweleri ya lembe ra ntirho ra 1993, lava vikeke a va ri 348 634.

Gabon: Leswi vahuweleri va 1 332 va nga vika hi July, va fikelele nhlohlorhi ya vona ya vuntlhanu eka lembe ra ntirho ra 1993. Vahuweleri lava va chivirikaka va endle nhlayo-xikarhi ya tiawara ta 17,8, va endle maendzo yo vuyela ya 22 658 va tlhela va fambisa tidyondzo ta le kaya ta Bibele ta 4 280.