Bokisi Ra Swivutiso

◼ Xana hi fanele hi tsundzuka yini loko hi tsala mapapila yo ya eka vini va miti lava hi nga va kumangiki emakaya?

Hikwalaho ka swivangelo swo hambana-hambana, hakanyingi swa hi nonon’hwela ku kuma vanhu loko hi va endzela emakaya ya vona. Vahuweleri van’wana va kume leswaku ku tsala papila i ndlela leyi humelelaka yo va fikelela. Hambiloko leswi swi va ni vuyelo lebyinene, hi fanele hi xiyisisa switsundzuxo swin’wana leswi nga ta hi pfuna ku papalata ku nonon’hweriwa kun’wana:

U nga tsali adirese ya Sosayiti epapileni. Leswi swi nga kombisa leswaku papila leri ri huma eka tihofisi ta hina swi nga fanelanga, ivi swi vanga swiphiqo leswi nga fanelangiki kumbexana ni ku durheriwa loku engetelekeke.

Tiyiseka leswaku u ni adirese leyi faneleke ni mali leyi eneleke yo xava xitempe.

U nga rhumeli mapapila ya wena u ku, “Eka Vaaki”; tirhisa vito ra munhu wa kona.

U nga siyi mapapila enyangweni loko ku nga ri na munhu ekaya.

Mapapila yo koma hi wona ma nga kahle. Nghenisa xiphephana kumbe magazini ematshan’wini yo tsala mahungu yo tala.

Mapapila lama tsariweke hi muchini swa olova ku ma hlaya naswona ma ni nkucetelo lowukulu.

Mapapila a ma fanelanga ma endliwa maendzo yo vuyela handle ka loko u vulavule ni munhu wa kona enkarhini lowu nga hundza.

Loko u tsalela munhu loyi eku sunguleni a kombiseke ku tsakela, u fanele u n’wi nyika adirese kumbe nomboro ya wena ya riqingho leswaku a ta kota ku tihlanganisa na wena. Hlamusela nongonoko wa hina wa dyondzo ya Bibele.

N’wi rhambele eminhlanganweni ya vandlha ra ka n’wina. N’wi byele ndhawu ya minhlangano ni minkarhi ya yona.

U nga ha tsali mapapila ma ya eka lava nga riki kona ekaya loko u nga ha tirhi eka yona nsimu yoleyo; muhuweleri loyi sweswi a nga ensin’wini yoleyo hi yena a nga ta va ni vutihlamuleri bya ku yi tirha.