Bokisi Ra Swivutiso

◼ Ha yini ku ri ni xilaveko xa ku va ni vuxiyaxiya loko munhu a chumayela hi papila?

Se ku hundze nkarhi wo leha ku chumayela hi papila ku ri ndlela leyinene yo avelana ni van’wana mahungu lamanene. Hambiswiritano, swiendlakalo swa sweswinyana swa misava swi endle leswaku vanhu va va ni vuxiyaxiya hi ku pfula mapapila lawa va nga ma tiviki. Hakanyingi vanhu va ti sola timvhilopho leti nga tiviwiki laha ti humaka kona kumbe leti nga kombisiki adirese ya mutsari, ngopfu-ngopfu loko ti tsariwe hi voko naswona ti kukumukile. Vini va miti va nga ha cukumeta papila ro tano no ri pfula va nga ri pfulanga. Xana hi nga swi siverisa ku yini sweswo?

Loko swi koteka, papila ni mvhilopho ya kona swi fanele swi va swi thayipiwile. Mvhilopho yi fanele yi tsariwa adirese ya n’wini wa muti hi vito ra yena. U nga tsali adirese u ku eka “N’wini wa Muti.” Ku tlula kwalaho minkarhi hinkwayo tsala adirese ya laha papila ri humaka kona. Loko swi nga ri vutlhari ku tsala adirese ya laha u tshamaka kona, tsala vito ra wena ni adirese ya Holo ya Mfumo. U nga tsali mapapila lama nga tivekiki laha ma humaka kona. U nga tshuki u tirhisa adirese ya rhavi.—Vona Bokisi Ra Swivutiso ra Vutirheli Bya Hina Bya Mfumo bya November 1996.

Swiringanyeto leswi engetelekeke ni xikombiso xo tsala papila xi nga kumeka eka buku leyi nge Vuyeriwa Eka Vuleteri Bya Xikolo Xa Vutirheli Bya Le Tilweni, matluka 71-3. Minkongomiso leyi yi ta hi pfuna leswaku hi tirhisa mapapila hi ndlela leyi humelelaka ku fikelela van’wana hi mahungu lamanene.