I Yini Mfumo Wa Xikwembu?

Wanuna a ri karhi a hlaya Bibele a tshame ebencini emahlweni ka muako wa mfumo.

Vanhu vo tala va khongelela leswaku Mfumo wa Xikwembu wu ta, kambe xana u tshame u tivutisa leswaku Mfumo wa Xikwembu i yini ni leswaku wu ta endla yini?

TWANA LESWI BIBELE YI SWI VULAKA:

I yini Mfumo wa Xikwembu?

I mfumo wa le tilweni lowu Hosi ya wona ku nga Yesu Kreste.—Esaya 9:6, 7; Matewu 5:3; Luka 1:31-33.
I yini leswi Mfumo wa Xikwembu wu nga ta swi endla?

Wu ta herisa swilo hinkwaswo swo biha naswona wu ta endla leswaku ku va ni ku rhula emisaveni hilaha ku nga heriki.—Daniyele 2:44; Matewu 6:10.
Swi vula yini ku lava Mfumo ku sungula?

Swi vula ku seketela Mfumo wa Xikwembu ni ku tshemba leswaku hi wona ntsena wu nga endlaka leswaku swiyimo swa laha misaveni swi va hi ndlela leyi Xikwembu xi lavaka leswaku swi va ha yona.—Matewu 6:33; 13:44.