Watchtower LAYIBURARI YA LE KA WEB SITE
Watchtower
LAYIBURARI YA LE KA WEB SITE
Xitsonga
  • BIBELE
  • MIKANDZIYISO
  • TINHLENGELETANO TA VANDHLA
  • km 2/11 tl. 2
  • ‘Chumayela Mfumo Wa Xikwembu Hi Rixaladza’

A ku na vhidiyo.

Hi khomele, ku ve ni xiphiqo loko hi tlanga vhidiyo leyi.

  • ‘Chumayela Mfumo Wa Xikwembu Hi Rixaladza’
  • Vutirheli Bya Hina Bya Mfumo—2011
  • Tinhlokomhaka Tin'wana Leti Yelana Na Yona
  • “Fambani . . . Mi Ya Endla Vadyondzisiwa”
    “Komba Vumbhoni Lebyi Heleleke” Hi Mfumo Wa Xikwembu
  • Papila leri humaka eka Huvo Leyi Fumaka
    “Komba Vumbhoni Lebyi Heleleke” Hi Mfumo Wa Xikwembu
  • Tekelela Ripfumelo Ra Vona
    Vutirheli Bya Hina Bya Mfumo—2015
  • “Ku Ya Fika Emakumu Ka Misava”
    “Komba Vumbhoni Lebyi Heleleke” Hi Mfumo Wa Xikwembu
Vona Swo Tala
Vutirheli Bya Hina Bya Mfumo—2011
km 2/11 tl. 2

‘Chumayela Mfumo Wa Xikwembu Hi Rixaladza’

1. Hi yihi buku leyi hi nga ta yi dyondza eka Dyondzo ya Bibele ya Vandlha ku sukela hi vhiki ra March 14?

1 Hi vhiki ra March 14, 2011, hi ta sungula ku dyondza buku leyi nge ‘Chumayela Mfumo Wa Xikwembu Hi Rixaladza’ eka Dyondzo ya Bibele ya Vandlha. Buku leyi yi hlamusela buku ya Mintirho hi ndlela leyi nga ta pfuna muhlayi leswaku a twisisa ndlela leyi swiendlakalo leswi endlekaka hi xihatla swi hlamuseriwaka ha yona. Ematshan’weni yo hlamusela ndzimana hi ndzimana, yi hlamusela leswi hi swi dyondzaka ebukwini ya Mintirho naswona yi hi komba ndlela leyi hi nga ri tirhisaka ha yona rungula leri.—Rhom. 15:4.

2. Hlamusela swin’wana leswi nga endzeni ka buku leyi nge Chumayela Hi Rixaladza.

2 Leswi Nga Endzeni Ka Yona: Eka tluka 2 ra buku leyi ku ni papila leri khutazaka leri humaka eka Huvo leyi Fumaka naswona ri hi komba ndlela leyi buku leyi yi nga hi vuyerisaka ha yona. Ku sukela eka ndzima 2, ku boxiwa yinhla ya nkoka leyi nga ta kambisisiwa eka ndzima yin’wana ni yin’wana naswona Tsalwa leri tshahiweke ri komba xiyenge xa buku ya Mintirho lexi ku nga ta buriwa ha xona. Tindzimana to tala ti ni mabokisi lama hlamuselaka vuxokoxoko byo tala hi vanhu, tindhawu ni hi swiendlakalo. Swivandla leswikulu leswi nga ematlhelo ka matluka ya buku swi endleriwe leswaku u tsala tinotsi ta wena. Yi ni swifaniso leswi kombisaka swivono swa le Bibeleni leswaku swi hi pfuna ku vona swiendlakalo swa nkoka hi mahlo ya mianakanyo, naswona eka tluka ro hetelela ku ni xikombo xa swifaniso lexi hlamuselaka swifaniso leswi nga ebukwini leyi. Endzeni ka xifunengeto xa le mahlweni ni le ndzhaku ka buku leyi ku ni mimepe leyi nga ta hi pfuna ku ma vona hi mahlo ya mianakanyo matiko lawa Vakreste va lembe-xidzana ro sungula va yeke eka wona loko va ri karhi va chumayela mahungu lamanene “ku ya fika endhawini ya le kule swinene ya misava.”—Mint. 1:8.

3. Ku dyondza buku ya Mintirho, swi ta hi pfuna leswaku hi hlamula swivutiso swihi swa nkoka?

3 Tinhlamulo Ta Swivutiso Swa Nkoka: Ku kambisisa buku ya Mintirho swi ta hi pfuna leswaku hi ti twisisa kahle tinhlamulo ta swivutiso swa nkoka malunghana ni vutirheli bya Vukreste. Hi xikombiso, hi wihi ntirho ni rungula leri kombisaka valandzeri va ntiyiso va Yesu Kreste? I vamani lava kongomisaka ntirho wo chumayela naswona va wu kongomisa njhani? Xana nxaniso ni nkaneto swi endle leswaku vatirheli va pfulekeriwa hi malunghelo wahi? Xana moya lowo kwetsima wu hi pfuna njhani entirhweni wa hina wo chumayela?

4. I yini leswi hi faneleke hi swi endla leswaku hi vuyeriwa hi xitalo loko hi dyondza buku leyi?

4 Leswaku u vuyeriwa hi xitalo, lunghiselela ka ha ri emahlweni leswaku u ta hlamula evandlheni. Loko u ri eminhlanganweni, anakanyisisa hi ndlela leyi u nga ri tirhisaka ha yona rungula leri evutirhelini bya wena naswona u va kona eka nhlangano wun’wana ni wun’wana. Onge ku dyondza buku leyi swi nga hi susumetela ku nyikela vumbhoni bya rixaladza malunghana ni Mfumo wa Xikwembu!—Mint. 28:23.

    Minkandziyiso Ya Xitsonga (1987-2025)
    Huma
    Nghena
    • Xitsonga
    • Rhumela
    • Leswi u swi tsakelaka
    • Copyright © 2025 Watch Tower Bible and Tract Society of Pennsylvania
    • Swipimelo Swo Tirhisa Website Leyi
    • Milawu Yo Sirhelela Rungula Ra Xihundla
    • Seta Swa Xihundla
    • JW.ORG
    • Nghena
    Rhumela