Ndlela Yo Hlamusela Leswi Hi Swi Pfumelaka Malunghana Ni Lembe Ra 1914

Matsalwa ma hi khutaza leswaku hi tshama hi ‘lunghekele ku tihlamulela’ eka tidyondzo leti hi pfumelaka eka tona, hi “swi endla hi moya wo rhula ni xichavo lexi enteke.” (1 Pet. 3:15) Kambe, swi nga ha hi tikela ku hlamusela tidyondzo ta Bibele leti dzikeke to tanihi leswaku hi swi tiva njhani leswaku Mfumo wa Xikwembu wu sungule ku fuma hi 1914. Ku humesiwe swihloko swimbirhi leswi nga ta hi pfuna ku hlamusela dyondzo leyi, leswi nga ni nhloko-mhaka leyi nge, “Bulo Ni Muakelani—Xana Mfumo Wa Xikwembu Wu Sungule Rini Ku Fuma?” Swihloko leswi swi kumeka eka Xihondzo xo Rindza xa October na November leswi nga ta va swi fambisiwa eka tin’hweti leti. Loko u ri karhi u hlaya swihloko leswi, anakanyisisa hi swivutiso leswi nga laha hansi leswi Cameron, muhuweleri loyi a nga eka bulo rolero a swi tirhiseke.

Hi yihi ndlela leyi a . . . 

• n’wi bumabumeleke ha yona munhu loyi a a burisana na yena leswaku va pfumelelana eka bulo ra vona?—Mint. 17:22.

• wu kombiseke ha yona moya wa ku titsongahata loko a ri karhi a hlamusela tidyondzo leti a pfumelaka eka tona?—Mint. 14:15.

Ha yini a swi ri swinene leswi . . . 

• nkarhi na nkarhi a a katsakanya tinhla leti va buleke ha tona loko a nga si hundzela eka tin’wana?

• nkarhi na nkarhi a a vutisa loko n’wini wa muti a swi twisisa leswi a swi hlamuseleke?

• a nga n’wi hlamuselangiki rungula ro tala hi nkarhi wun’we?—Yoh. 16:12.

Hakunene ha n’wi nkhensa Yehovha, ‘Muleteri wa hina Lonkulu,’ hileswi a hi dyondzisaka ndlela yo hlamusela tidyondzo ta Bibele leti dzikeke eka lava nga ni torha ro lava ku ti twa!—Esa. 30:20.