Tirhisa Web Site Ya Hina eNsin’wini—“Tinhlamulo Ta Swivutiso Swa Bibele”

Xiyenge lexi nge “Tidyondzo Ta Bibele” eka jw.org/ts xi ni nhloko-mhaka leyi nge “Tinhlamulo Ta Swivutiso Swa Bibele.” Loko ho titoloveta swivutiso leswi vanhu va talaka ku swi vutisa, hi nga komba vini va miti lava vutisaka swivutiso Web site ya hina leswaku va kuma tinhlamulo ta le Matsalweni. Swivutiso leswi swi nga tlhela swi tirhisiwa ku sungula mabulo ensin’wini. Hi nga vutisa xivutiso lexi vanhu va le nsin’wini ya hina va xi tsakelaka, ivi hi lava ku twa vonelo ra n’wini wa muti, kutani hi n’wi byela leswi Bibele yi swi vulaka, hi tirhisa nhlamuselo leyi nga eka jw.org/ts. Endzhaku hi nga n’wi hlamusela kumbe hi n’wi komba laha hi ri kumaka kona rungula ra hina. Xin’wana lexi hi nga xi endlaka i ku n’wi kombela leswaku a hlaya nhlamulo ya kona hi ku kongoma eka Web site ya hina. Nsati wa mulanguteri un’wana wa muganga u kume vuyelo lebyinene hi ku vula a ku: “Vanhu vo tala va tivutisa, ‘Xana Xikwembu xi fanele xi soriwa hikwalaho ka leswi hi xanisekaka?’ Xana u nga tsakela ku twa nhlamulo ya kona hi tisekoni ta 51 ntsena?” Endzhaku ka sweswo u n’wi tlangela rungula leri ngo yingiseriwa kunene leri a ri kopeke eka xitirhisiwa xakwe xa thekinoloji leswaku a yingisela nhlamulo ya kona. U gimeta hi ku n’wi byela hi ndzima 11 ya buku leyi nge Leswi Bibele Yi Swi Dyondzisaka.