Web Site Ya Hina Leyi Nga eNawini—Yi Tirhise eNsin’wini
Khutaza Vanhu Leswaku Va Tirhisa Web site: Van’wana lava nga swi laviki ku vulavula na hina kumbe ku amukela minkandziyiso va swi tsakela ku tiva Timbhoni ta Yehovha loko va titshamele voxe emakaya hi ku ya eka jw.org. Hikwalaho, byela van’wana malunghana ni Web site leyi, nkarhi wun’wana ni wun’wana loko swi koteka.
Hlamula Swivutiso: Minkarhi yin’wana n’wini wa muti, munhu la tsakelaka kumbe loyi hi tolovelaneke na yena a nga ha vutisa malunghana ni Timbhoni ta Yehovha kumbe ripfumelo ra hina. N’wi kombe nhlamulo hi ku hatlisa eka xitirhisiwa xa elektroniki kumbe eka khompyuta. Hakanyingi i swinene ku hlaya matsalwa lama kombisiweke hi ku kongoma eBibeleni. Loko swi nga koteki ku tirhisa Internet hi nkarhi wolowo, n’wi hlamusele ndlela yo tirhisa Web site ya jw.org leswaku a kuma tinhlamulo hi yexe.—Yana eka “Tidyondzo Ta Bibele/Tinhlamulo Ta Swivutiso Swa Bibele” kumbe “Malunghana Na Hina/Swivutiso Leswi Talaka Ku Vutisiwa.”
Rhumela Xihloko Kumbe Nkandziyiso Eka Munhu Loyi U N’wi Tivaka: Kopa PDF kumbe EPUB ivi u yi rhumela hi e-mail. Kumbe u kopa rungula leri rhekhodiweke kunene ra nkandziyiso ivi u ri hoxa eka CD. Minkarhi hinkwayo loko u rhumela munhu la nga khuvuriwangiki buku, broxara kumbe magazini hi elektroniki, u nga ha swi katsa eka minkandziyiso leyi u yi fambiseke. Rungula a ri fanelanga ri rhumeriwa munhu loyi u nga n’wi tiviki. Kumbe ri hoxiwa eka Web site yin’wana.—Yana eka “Minkandziyiso.”
Byela Van’wana Mahungu Ya Sweswinyana Malunghana Ni Timbhoni Ta Yehovha: Leswi swi ta pfuna swichudeni swa Bibele ni van’wana lava u va endzelaka leswaku va tsakela ntirho wa hina lowu endliwaka emisaveni hinkwayo ni vun’we lebyi hi nga na byona tanihi hi Vakreste. (Ps. 133:1)—Yana eka “Mahungu.”
[Dayagramu leyi nga eka tluka 5]
(Leswaku u vona rungula leri hleriweke hi ku helela, vona nkandziyiso wa kona)
Yi Ringete
1 Kuma rungula leri u tsakelaka ku ri kopa eka xiyenge lexi nge “Minkandziyiso” ivi u tlilika eka rungula leri u ri lavaka kumbe leri rhekhodiweke.
2 Loko u lava ku vona nxaxamelo wa xihloko ha xin’we tlilika eka MP3. Leswaku u xi yingisela tlilika laha.
3 Loko u lava ku kopa nkandziyiso hi ririmi ro karhi hlawula eka leti xaxametiweke.