Web Site Ya Hina Leyi Nga eNawini—Yi Tirhisele Ku Pfuna Munhu La Vulavulaka Ririmi Leri Hambaneke Ni Ra Wena

N’wi Kombe Web Site Ya Hina: N’wi kombe ndlela yo tirhisa nxaxamelo wa tindzimi eka “Ririmi ra Web site” leswaku a yi vona hi ririmi rakwe. (Eka tindzimi tin’wana, a ri talanga rungula leri kumekaka eka Web site leyi.)

N’wi Kombe Laha Ku Nga Ni Ririmi Rakwe: N’wi kombe tluka ro karhi eka yin’wana ya minkandziyiso ya hina, yo tanihi buku leyi nge Leswi Bibele Yi Swi Dyondzisaka kumbe xiphephana lexi nge Swivutiso Swa Nkoka Swinene. Hlawula ririmi ra n’wini wa muti eka leti xaxametiweke laha va nge, “Hlaya Hi.”

N’wi Yingiserise Xihloko: Kuma xihloko lexi nga ni rungula leri rhekhodiweke hi ririmi rakwe kutani u n’wi tlangela xona. Loko u dyondza ririmi ro karhi, u nga antwisa vutivi bya wena hi ku yingisela minkandziyiso leyi rhekhodiweke hi ririmi rero loko u ri karhi u hlaya.—Yana eka “Minkandziyiso/Tibuku Ni Tibroxara” kumbe “Minkandziyiso/Timagazini.”

Chumayela Vanhu Lava Nga Twiki: Loko u hlangana ni munhu la nga twiki, n’wi tlangele ndzima ya Bibele, buku, broxara kumbe xiphephana hi vhidiyo ya ririmi ra mavoko.—Yana eka “Minkandziyiso/Ririmi Ra Mavoko.”

[Dayagramu leyi nga eka tluka 6]

(Leswaku u vona rungula leri hleriweke hi ku helela, vona nkandziyiso wa kona)

Yi Ringete

1 Tlilika laha ▸ leswaku u tlanga rungula leri rhekhodiweke (loko ri kumeka hi ririmi ra wena) kumbe leri nga eka “Leswi Kopiwaka.”

2 Hlawula ririmi rin’wana eka leti xaxametiweke laha va nge “Hlaya Hi” leswaku u pfula tluka leri hi ririmi rero.

3 Leswaku u hlaya xihloko xin’wana tlilika laha va nge “Leswi Landzelaka” kumbe eka xiyenge lexi nge “Leswi Nga Endzeni.”