Loko U Lava Minkandziyiso Ya Ririmi Rimbe Hi Xihatla

Minkarhi yin’wana hi hlangana ni vanhu lava tsakelaka ku hlaya minkandziyiso ya hina hi ririmi rimbe leri ri nga riki kona evandlheni. Xana wa swi tiva leswaku loko u ri ni Internet ni muchini wo printa u nga swi kota ku ti printela minkandziyiso hi tindzimi leti ringanaka 400? Hi leyi ndlela leyi u nga swi endlaka ha yona:

• Yana eka www.watchtower.org ku nga Web site ya hina ya le nawini.

• Eka tlhelo ra xinene ra tluka ro sungula ku ni nxaxamelo wa tindzimi. Tlika eka xifaniso xa mfungho wa misava laha ku nga ni nxaxamelo wa tindzimi leti nga kona.

• Tlika eka ririmi leri u ri lavaka. Ku ta humelela tluka leri kombisaka minkandziyiso leyi u nga yi printaka, yo fana ni swiphephana, tibroxara ni swihloko. Tanihi leswi tluka leri ri tsariweke hi ririmi leri u ri hlawuleke, u nga vileli loko u nga swi voni swihloko swa kona.

• Tlika nkandziyiso wun’wana ni wun’wana. Rungula leri u ri lavaka ri ta humelela eka khompyuta ya wena naswona u nga ha ri printa.

Web site ya hina a yi khomanga minkandziyiso hinkwayo; minkandziyiso yin’wana yi ta kumeka evandlheni. (Minkandziyiso leyi nga ya Timbhoni ntsena, yo fana ni Xihondzo xo Rindza lexi dyondziwaka evandlheni hi nga yi kopa eka Web site ya jw.org hi tindzimi to hambana-hambana.) Loko u hlangana ni munhu loyi a tsakelaka u fanele u kombela minkandziyiso evandlheni.