LESWI HI SWI DYONDZAKA EBIBELENI | SWIVURISO 27–31

Bibele Yi Hlamusela Ndlela Leyi Nsati La Fanelekaka A Nga Ha Yona

Swivuriso ndzima 31 yi ni rungula ra nkoka swinene leri Hosi Lemuwele a byeriweke rona hi mana wakwe. Ndzayo ya mana wakwe yi n’wi dyondzise leswi a faneleke a swi languta eka nsati la fanelekaka.

Nsati la fanelekaka wa tshembeka

Wansati wa le minkarhini ya Bibele a ri karhi a nyika ndyangu wakwe swakudya

31:10-12

U ringanyeta hi vutlhari loko ku endliwa swiboho swa ndyangu kambe a ri karhi a tiveka ehansi ka vunhloko bya nuna wakwe
Nuna wakwe wa n’wi tshemba leswaku u ta endla swiboho leswinene, a nga sindzisi leswaku minkarhi hinkwayo a lava mpfumelelo wakwe

Nsati la fanelekaka u tirha hi matimba

Wansati wa le minkarhini ya Bibele a ri karhi a sila mavele

31:13-27

Wa ringanisela naswona u hanya vutomi byo olova leswaku ndyangu wakwe wu ambala kahle, wu languteka ni ku tlhela wu va ni swakudya leswi eneleke nkarhi hinkwawo
U tirha hi matimba naswona u khathalela ndyangu wakwe nkarhi hinkwawo

Nsati la fanelekaka u ni vuxaka lebyinene ni Xikwembu

31:30

U xixima Xikwembu naswona u tikarhatela ku va ni vuxaka lebyinene na xona