Ku Laveka Yini Leswaku Munhu A Va Mulandzeri Wa Yesu?

9:62

Leswaku munhu loyi a rimaka hi ku tirhisa puluhu a kota ku endla tiforo leti nga gombonyokangiki, a nga fanelanga a languta endzhaku. Hilaha ku fanaka, Mukreste a nga fanelanga a tshamela ku tsundzuka swilo leswi a swi endla khale a nga si va Mukreste.—Flp 3:13.

Loko hi langutana ni swiyimo swo tika, swa olova ku tsundzuka swilo leswi a hi swi endla khale hi nga si tiva ntiyiso. Mikarhi yo tala loko hi endla tano, hi hundzeleta ntsako lowu a hi ri na wona ivi hi rivala hi swiphiqo swo tala leswi a hi langutana na swona. Sweswo hi leswi Vaisrayele va swi endleke endzhaku ka loko va hume aEgipta. (Tin 11:5, 6) Loko hi tshamela ku anakanyisisa hi swilo swo tano, hi nga ha ringeka ku tlhelela eka vutomi bya hina bya khale. A hi anakanyisiseni hi mikateko leyi hi yi kumaka sweswi ni ntsako lowu hi nga ta va na wona ehansi ka Mfumo wa Xikwembu!—2Ko 4:16-18.