Tsundzuka Nsati Wa Lota

Hikwalaho ka yini nsati wa Lota a langute endzhaku, loko a ri karhi a baleka eSodoma? Bibele a yi xi boxi xivangelo xa kona. (Gn 19:17, 26) Xilemukiso xa Yesu xi kombisa leswaku swi nga endleka a a tsundzuka swilo leswi a swi siyeke. (Lk 17:31, 32) Ku hambana ni nsati wa Lota, i yini lexi nga hi pfunaka leswaku hi nga lahlekeriwi hi vuxaka bya hina ni Xikwembu? A hi fanelanga hi tilavela ku hanya vutomi bya vulovolovo ni ku rhangisa rifuwo evuton’wini bya hina. (Mt 6:33) Yesu u vule leswaku a hi nge vi ‘mahlonga ya Xikwembu ni ya Rifuwo.’ (Mt 6:24) Kambe i yini lexi hi nga xi endlaka loko hi xiya leswaku onge se hi rhangisa rifuwo ematshan’weni yo rhangisa vuxaka bya hina na Yehovha? Hi nga khongela eka Yehovha leswaku a hi pfuna hi tiva laha hi faneleke hi antswisa kona nileswaku a hi nyika xivindzi ni matimba yo endla tano.

HLAMULANI SWIVUTISO LESWI NGA LAHA HANSI LESWI SEKERIWEKE EKA SWIYENGE SWINHARHU SWA VHIDIYO LEYI NGE TSUNDZUKA NSATI WA LOTA:

• Leswi Gloria a a kuceteriwa ku hlongorisa rifuwo swi yi khumbe njhani ndlela leyi a anakanya ha yona, mavulavulelo ni swiendlo swakwe?

• Nsati wa Lota i xilemukiso eka hina hi ndlela yihi?

• Ku tirhisa misinya ya milawu ya le Bibeleni swi n’wi pfune njhani Joe ni ndyangu wakwe?

• Vanghana va Anna lava a tirha na vona a va onha vuxaka byakwe na Yehovha hi ndlela yihi?

• Hikwalaho ka yini hi fanele hi va ni xivindzi loko van’wana va hi kucetela ku rhangisa rifuwo evuton’wini?

• Brian na Gloria va swi kotise ku yini ku tlhela va rhangisa vuxaka bya vona na Yehovha?

• Hi yihi misinya ya milawu ya le Bibeleni leyi hi yi kumaka eka vhidiyo leyi?