“Ku Tata Voko Hi Nyiko Ya Yehovha”

Hi nga tinyiketela njhani namuntlha leswaku hi ‘tata voko hi nyiko ya Yehovha’? (1Tk 29:5, 9, 14) Xiya tindlela to hambanahambana leti landzelaka leti u nga nyikelaka ha tona leswaku u seketela ntirho wa Timbhoni ta Yehovha emisaveni hinkwayo ku katsa ni le ndhawini ya ka n’wina.

MINYIKELO LEYI NYIKERIWAKA HI KU TIRHISA INTHANETE KUMBE LEYI HOXIWAKA EMABOKISINI YI SEKETELA:

• 

  NTIRHO WA MISAVA HINKWAYO

  ku aka ni ku seketela ntirho lowu endliwaka emarhavini ni le tihofisini ta vuhundzuluxeri

  swikolo leswi hleriweke hi nhlengeletano

  lava nga eka ntirho wo hlawuleka wa nkarhi hinkwawo

  ntirho wo phalala

  wo kandziyisa, wo endla tivhidiyo, ni ku hoxa hinkwaswo leswi kumekaka eka jw.org

• 

  MINYIKELO LEYI NYIKERIWAKA EMAVANDLHENI

  yi hakelela swikoxo ni ku khathalela Holo ya Mfumo

  yin’wana vandlha ri endla xiboho xo yi rhumela erhavini leswaku ri seketela leswi landzelaka:

  • ku akiwa ka Tiholo ta Mfumo ni ta Tinhlengeletano emisaveni hinkwayo

  • ku Phalala Vamakwerhu eMisaveni Hinkwayo

  • ni mitirho yin’wana leyi endliwaka emisaveni hinkwayo

MINYIKELO LEYI NYIKERIWAKA ETINHLENGELETANWENI

Minyikelo leyi nyikeriwaka etinhlengeletanweni ta xifundzha yi rhumeriwa eka ntirho lowu endliwaka emisaveni hinkwayo. Kutani tinhlengeletano ta xifundzha, to hlawuleka ni ta matiko hinkwawo ti hakeleriwa hi minyikelo leyi nyikeriwaka eka ntirho wa misava hinkwawo.

Minyikelo leyi nyikeriwaka etinhlengeletanweni ta miganga yi hakelela holo leyi hirhiweke, ni ku khathalela tiholo ta tinhlengeletano ni swikoxo swin’wana leswi fambisanaka ni tinhlengeletano ta muganga. Vakulu va nga ha teka xiboho xo rhumela yin’wana eka ntirho wa misava hinkwayo wa Timbhoni ta Yehovha.