Xana Wa Tivona Timfanelo Ta Xikwembu Leti Nga Vonakiki?

Loko u vona xiluva xo saseka, tinyeleti kumbe maboboma lama khulukaka emaribyeni, xana a swi ku endli u swi xiya leswaku ku ni Muvumbi? Hakunene ntumbuluko wu paluxa timfanelo ta Yehovha leti nga vonakiki. (Rhm 1:20) Loko hi anakanyisisa hi ntumbuluko lowu hi wu vonaka, swi endla hi titwisisa kahle timfanelo ta Xikwembu to tanihi matimba, rirhandzu, vutlhari, vululami ni ku hanana.—Ps 104:24.

Hi swihi swilo swin’wana leswi Yehovha a swi tumbuluxeke leswi u swi vonaka siku ni siku? Ku nga khathariseki leswaku u tshama kwihi, siku ni siku u vona swinyenyana kumbe misinya. Loko hi tinyika nkarhi wo xiyisisa ntumbuluko wa Yehovha, a hi nge ehleketi ngopfu hi swiphiqo swa hina naswona swi ta endla hi kholwa leswaku Yehovha u ni vuswikoti byo hi khathalela hilaha ku nga heriki. (Mt 6:25-32) Loko u ri mutswari, pfuna vana va wena leswaku va vona timfanelo ta Yehovha leti nga pimanisiwiki na nchumu. Loko hi ya hi wu tlangela swinene ntumbuluko, vuxaka bya hina ni Muvumbi byi ta tiya.—Ps 8:3, 4.

HLALELANI VHIDIYO LEYI NGE MAHLORI YA NTUMBULUKO MA KOMBISA KU KWETSIMA KA XIKWEMBU—RIVONI NI MUVALA, KUTANI MI HLAMULA SWIVUTISO LESWI LANDZELAKA:

• I yini lexi endlaka hi kota ku vona mivala?

• I yini lexi endlaka leswaku mivala yin’wana yi cincacinca?

• Hikwalaho ka yini hi vona mivala yo hambanahambana exibakabakeni?

• Hi wihi muvala wa ntumbuluko lowu u wu vonaka siku ni siku lowu nga ekusuhi ni le kaya ra wena?

• Hikwalaho ka yini hi fanele hi tinyika nkarhi wo xiyisisa ntumbuluko?