Tikarhatele Ku Kuma Dyondzo Leyi Humaka eNhlengeletanweni Ya Yehovha

LEXI ENDLAKA SWI VA SWA NKOKA: Dyondzo leyi hi yi kumaka eka Muleteri wa hina Lonkulu Yehovha, a yi nge pimanisiwi na nchumu. U hi dyondzisa ndlela yo tiphina hi vutomi sweswi ni ku hi hlomisela ku ya tiphina hi mikateko yo tala enkarhini lowu taka, u hi endlela leswi hinkwaswo mahala! (Esa 11:6-9; 30:20, 21; Nhl 22:17) Yehovha u hi dyondzisa ni ndlela yo chumayela van’wana rungula leri ponisaka vutomi.— 2Ko 3:5.

NDLELA LEYI U NGA SWI ENDLAKA HA YONA:

• Hlakulela ku titsongahata ni ku rhula.—Ps 25:8, 9

• Amukela ndzetelo lowu u wu kumaka sweswi, wo tanihi ku endla swiavelo swa swichudeni etidyondzweni ta le xikarhi ka vhiki

• Tivekele tipakani to ya eka xin’wana xa swikolo swa nhlengeletano.—Flp 3:13

• Endla matshalatshala leswaku u ta fanelekela ku ya eka xin’wana xa swikolo swa nhlengeletano.—Flp 3:8

HLALELANI VHIDIYO LEYI NGE MIKATEKO LEYI TISIWAKA HI KU DYONDZISIWA HI YEHOVHA, KUTANI MI HLAMULA SWIVUTISO LESWI LANDZELAKA:

• Hi swihi swiphiqo leswi vahuweleri van’wana va swi hluleke leswaku va kota ku ya eXikolweni Xa Vachumayeri Va Mfumo?

• Hi wihi ndzetelo lowu swichudeni swi wu kumaka eXikolweni Xa Vachumayeri Va Mfumo?

• Vandlha ri va pfune njhani vamakwerhu lava a va vuya hi le Xikolweni Xa Vachumayeri Va Mfumo loko va fika eswiavelweni swa vona leswintshwa?

• I yini leswi lavekaka leswaku munhu a kota ku ya eXikolweni Xa Vachumayeri Va Mfumo? (kr 189)

• Hi swihi swikolo swin’wana swa nhlengeletano ya Yehovha leswi u nga yaka eka swona?