Endla Dyondzo Ya Wena Ya Munhu Hi Yexe Yi Va Leyi Vuyerisaka

LEXI ENDLAKA SWI VA SWA NKOKA: Dyondzo ya munhu hi yexe ya Rito ra Xikwembu, yi hi pfuna ku “twisisa leswi nga ku anama ni ku leha ni ku tlakuka ni ku enta,” ka ntiyiso. (Ef 3:18) Nakambe yi endla leswaku hi tshama hi nga ri na xisandzu emisaveni leyi yo homboloka ni ku “khoma swi tiya eka rito ra vutomi.” (Flp 2:15, 16) Yi tlhela yi hi pfuna ku hlawula buku leyi hi lavaka ku dyondza ha yona. I yini leswi hi nga swi endlaka leswaku hi kota ku vuyeriwa loko hi ri karhi hi hlaya ni ku dyondza Bibele?

NDLELA LEYI U NGA SWI ENDLAKA HA YONA:

• Khwatihata matsalwa kumbe u tsala tinotsi loko u ri karhi u dyondza Bibele, ku nga ha va eka xitirhisiwa xa wena xa elektroniki kumbe ephepheni

• Loko u ri karhi u hlaya Rito ra Xikwembu, tivutise swivutiso leswi landzelaka: ‘I mani? Yini? Rini? Kwihi? Hikwalaho ka yini? Njhani?’

• Kuma vuxokoxoko. Tirhisa switirhisiwa swo endla ndzavisiso leswi u nga na swona ivi u secha nhlokomhaka kumbe Tsalwa leri u ri lavaka

• Anakanyisisa hi leswi u swi hlayaka u tlhela u xiya ndlela leyi swi nga ku pfunaka ha yona

• Hanya hi ku pfumelelana ni leswi u swi dyondzaka.—Lk 6:47, 48

HLALELANI VHIDIYO LEYI NGE TIYISA VUXAKA BYA WENA NA YEHOVHA HI KU ENDLA DYONDZO YA MUNHU HI YEXE, ENDZHAKU MI HLAMULA SWIVUTISO LESWI LANDZELAKA:

• I yini leswi van’wana va swi vulaka mayelana ni dyondzo ya munhu hi yexe?

• Hikwalaho ka yini hi fanele hi khongela loko hi nga si sungula dyondzo ya munhu yexe?

• I yini lexi nga hi pfunaka hi kota ku twisisa Matsalwa ku antswa?

• Hi nga yi tirhisa njhani mihlovo yo fungha ha yona leyi nga eka switirhisiwa swa hina?

• Hikwalaho ka yini swi ri swa nkoka ku anakanyisisa loko hi dyondza Rito ra Xikwembu?

• Hi fanele hi endla yini hi swilo leswi hi swi dyondzaka?