LESWI HI SWI DYONDZAKA EBIBELENI | TITO 1–FILEMONI
“Veka Vakulukumba”
Tito a nyikiwe vutihlamuleri byo “veka vakulukumba emutini wun’wana ni wun’wana.” Ninamuntlha valanguteri va miganga loko va veka vakulu emavandlheni va landzela nkongomiso lowu, lowu sekeriweke eBibeleni.
HUVO LEYI FUMAKA
Huvo leyi Fumaka yi nyike valanguteri va miganga vutihlamuleri byo veka vakulu ni malandza ya vutirheli emavandlheni hilaha a swi endliwa hakona hi nkarhi wa vaapostola.
VALANGUTERI VA MIGANGA
Loko mulanguteri wa muganga a kuma swibumabumelo eka vakulu, u fanele a anakanyisisa hi mhaka yoleyo hi xikhongelo kutani a hlawula vavanuna lava fanelekaka.
VAKULU LAVA HLAWURIWEKE
Hambiloko se vakulu va hlawuriwile, va fanele va ya emahlweni va hanya hi ku pfumelelana ni Matsalwa.