Vantshwa ‘Hisekelani Mitirho Leyinene’

Muapostola Pawulo eka papila leri a ri tsaleleke Tito u vule leswaku majaha, ku katsa na Tito ma fanele ma tikarhatela ku va “xikombiso xa mintirho leyinene.” (Tit 2:6, 7) Eka papila rero, u tlhele a vula leswaku vanhu va Yehovha va basisiwile leswaku va ta hisekela “mintirho leyinene.” (Tit 2:14) Wun’wana wa mitirho yoleyo i ku chumayela ni ku dyondzisa hi Mfumo wa Xikwembu. Loko u ri muntshwa, xana u nga tirhisa matimba ya vuntshwa bya wena u teka vuphayona bya nkarhinyana kumbe bya nkarhi hinkwawo?—Swiv 20:29.

Loko u swi tsakela ku va phayona, hlela swiyimo swa wena kahle. (Lk 14:28-30) Hi xikombiso, u ta yi kuma kwihi mali ya ku ti hlayisa loko u ri karhi u phayona? U ta ti fikelela njhani tiawara leti lavekaka? Khongela hi mhaka leyi eka Yehovha. (Ps 37:5) Vulavurisana ni vatswari va wena ni maphayona man’wana hi mhaka leyi. Kutani u endla matshalatshala yo fikelela ku navela ka wena. Yehovha u ta ma katekisa matshalatshala ya wena yo hisekela ntirho wakwe.

HLALELANI VHIDIYO LEYI NGE VANTSHWA LAVA XIXIMAKA YEHOVHA, KUTANI MI HLAMULA SWIVUTISO LESWI LANDZELAKA:

• Hi yihi mintlhontlho leyi van’wana va yi hluleke leswaku va ta va maphayona naswona va yi hlule njhani?

• Vatswari va nga va pfuna njhani vana va vona leswaku va va maphayona ya nkarhi hinkwayo?

• Hikwalaho ka yini swi ri swa nkoka ku tiendlela xiyimiso xo ya ensin’wini?

• Vandlha ri nga khutaza ni ku pfuna maphayona hi ndlela yihi?

• Hi yihi mikateko leyi maphayona ma yi kumaka?