“Hambetani Mi Xiya Swilo Leswi”

Hi swihi swilo swa kona? Vafilipiya 4:8 yi vula leswaku hi xiya swilo swa ntiyiso, swa ntikelo lowukulu, swo lulama, swo tenga, leswi rhandzekaka, leswi ku vulavuriwaka kahle ha swona, swa vunene ni leswi dzunekaka. Kambe leswi a swi vuli swona leswaku mikarhi hinkwayo Vakreste va fanele va ehleketisisa hi Matsalwa ntsena. Hambiswiritano, swilo leswi hi ehleketisisaka ha swona swi fanele swi tsakisa Yehovha. Hi fanele hi papalata ku ehleketisisa hi swilo leswi nga ta endla hi nga tshembeki eka Yehovha.—Ps 19:14.

Ku papalata ku ehleketisisa hi swilo swo biha a swi olovi. Hi fanele hi lwisana ni ku nga hetiseki ka hina swin’we na Sathana, “xikwembu xa mafambiselo lawa ya swilo.” (2Ko 4:4) Leswi a lawulaka swihaxamahungu, swilo swo tala leswi nga eka TV, rhadiyo, Inthanete ni le ka tibuku swi thyakile swinene. Loko hi nga tivoneli, hi nga tikuma hi thyakise mianakanyo ya hina kutani hi sungula ku tikhoma hi ndlela yo biha.—Yk 1:14, 15.

HLALELANI VHIDIYO LEYI NGE PAPALATA SWILO LESWI NGA KU ENDLAKA U NGA TSHEMBEKI—VUHUNGASI LEBYI THYAKEKE, KUTANI MI HLAMULA SWIVUTISO LESWI LANDZELAKA:

• 

  Makwerhu a hlalela yini eka foni yakwe naswona vuyelo ku ve byihi?

• 

  Vagalatiya 6:7, 8 na Pisalema 119:37 ti n’wi pfune njhani?