I Vamani Lava Ndzi Nga Va Rhambaka?

Lembe ni lembe hi tiendlela nkarhi wo famba hi rhamba vanhu leswaku va ta va na hina eka Xitsundzuxo xa rifu ra Yesu. Hi rhamba ni lava hi nga va tiviki. Hi tlhela hi rhamba ni lava hi va tivaka. Vanhu lava va kumaka swirhambo eka vanhu lava va va toloveleke hakanyingi va ta eXitsundzuxweni. (yb08 11 ¶3; 14 ¶1) I vamani lava u tsakelaka ku va rhamba?

• Maxaka

• Lava u tirhaka kumbe u nghenaka na vona xikolo

• Vaakelani

• Maendzo yo vuyela, lava u dyondzaka kumbe a wu dyondza na vona Bibele

Vakulu va nga tlhela va rhamba lava nga ha riki na vuxaka lebyinene na Yehovha. Ku vuriwa yini loko munhu loyi u n’wi toloveleke a nga tshami endhawini ya ka n’wina? U nga kuma nkarhi ni ndhawu leyi Xitsundzuxo xi khomeriwaka kona eka jw.org hi ku ya eka tlukankulu u nghena laha va nge MALUNGHANA NA HINA kutani u nghena laha va nge “Xitsundzuxo.” Loko u ri karhi u lunghiselela xitsundzuxo xa lembe leri, ehleketa hi vanhu lava u nga va rhambaka kutani u va rhamba.