Tsima Ro Hlawuleka Ro Chumayela Hi Mfumo Wa Xikwembu Leri Nga Ta Va Kona Hi November

Yesu u chumayele “mahungu lamanene ya mfumo wa Xikwembu.” (Lk 4:43) U tlhele a dyondzisa vanhu ku khongelela Mfumo wolowo. (Mt 6:9, 10) Hi November, ku ta va ni tsima ro hlawuleka leswaku ku chumayeriwa hi Mfumo wa Xikwembu. (Mt 24:14) Hlela swiyimo swa wena leswaku u ta hoxa xandla eka tsima leri. Hinkwavo lava nga maphayona ya nkarhinyana va nga ha hlawula ku tirha tiawara ta 30 kumbe 50 hi n’hweti leyi.

Hlawula tsalwa leri vulavulaka hi Mfumo wa Xikwembu kutani u chumayela vanhu ensin’wini ya ka n’wina hi rona. Loko u hlawula tsalwa ehleketa hi vayingiseri va wena. Loko u n’wana a tsakela ku dyondza, n’wi nyike nkandziyiso wa Xihondzo xo Rindza xa vanhu hinkwavo xa No. 2 2020. Endla riendzo ro vuyela hi xihatla eka munhu yoleyo naswona sungula dyondzo ya Bibele hi ku tirhisa nkandziyiso lowu nga eka Switirhisiwa Swo Pfuneta Ku Dyondzisa. Ku nga ri khale Mfumo wa Xikwembu wu ta pfotlosa mimfumo hinkwayo leyi lwisanaka na wona. (Dn 2:44; 1Ko 15:24, 25) Hikwalaho, tirhisa nkarhi lowu wo hlawuleka ku kombisa leswaku u seketela Yehovha ni Mfumo wakwe!