Hangalasa Swinene Xiphephana Xa Kingdom News No. 35

¹ October Na November Ti Ta Va Tin’hweti Leti Hinkwerhu Ka Hina Hi Nga Ta Va Hi Khomekile Swinene. Emasikwini Yo Sungula Ya 11 Ya October, Hi Ta Fambisa Tikopi Ta Xihondzo Xo Rindza Ni Xalamuka! Kutani, Ku Sukela Hi Sonto Ya October 12, Ku Ya Eka Sonto, November 16, Hi Ta Hlanganyela Eku Hangalasiweni Ka Xiphephana Xa Kingdom News No. 35 Emisaveni Hinkwayo. Ku Ta Va Lunghelo Ra Hina Ku Yisa Rungula Ra Nkoka Eka Vanhu Hinkwavo Laha Hi Tshamaka Kona. Rungula Leri I Nhlamulo Ya Xivutiso Lexi Nge, “Xana Vanhu Hinkwavo Va Ta Kala Va Rhandzana?” Hi Nkarhi Wa Tsima Leri Ro Hlawuleka, Hi Ta Hangalasa Xiphephana Xa Kingdom News No. 35 Exikarhi Ka Vhiki. Ku Engetela Eku Hangalaseni Ka Xiphephana Xa Kingdom News, Hi Ta Fambisa Minkandziyiso Ya Sweswinyana Ya Timagazini Hi Mahelo-vhiki.

² I Vamani Lava Nga Hlanganyelaka? Tanihi ntolovelo, vakulu va fanele va rhangela entirhweni lowu. Un’wana ni un’wana u tsakela ku hangalasa xiphephana xa Kingdom News, naswona a swi kanakanisi leswaku vunyingi bya vahuweleri byi ta nghenela vuphayona bya nkarhinyana eka yin’wana ya tin’hweti leti ta tsima kumbe hatimbirhi ka tona. Vahuweleri van’wana va ta heta nkarhi wo tala evutirhelini ku tlula lowu va toloveleke ku heta wona.

³ Xana u ni xichudeni xa Bibele lexi nga ekusuhi swinene ni ku heta ku dyondza buku ya Vutivi lexi ku nga ri khale xi nga ta fanelekela ku hlanganyela entirhweni wa nsimu? Kumbexana xi nga va muhuweleri la nga khuvuriwangiki hi ku hatlisa hi nkarhi lowu faneleke leswaku xi ta hlanganyela eka tsima ra xiphephana xa Kingdom News. Ku laveka xingheniso xo koma ntsena eku fambiseni ka xiphephana. Hi xikombiso, munhu a nga ha ku: “Rungula leri i ra nkoka swinene lerova ri hangalasiwa emisaveni hinkwayo n’hweti leyi hi tindzimi to ringana 169. Ndzi tsakela leswaku na wena u va ni kopi ya wena n’wini.” Hambi ku ri vana lavatsongo va nga hlanganyela entirhweni lowu lowu tsakisaka.

⁴ Vafambisi va dyondzo ya buku va fanele va khutaza xirho xin’wana ni xin’wana entlaweni wa vona leswaku xi hlanganyela hi xitalo eku hangalaseni ka xiphephana xa Kingdom News No. 35. Swi nga ha endleka ku ri ni vahuweleri lava a va horile kambe lava nga sungulaka ku hiseka ensin’wini loko va kume xikhutazo lexi lavekaka. Loko tsima ri nga si sungula, vakulu va fanele va endzela un’wana ni un’wana wa vona ku vona lexi faneleke ku endliwa leswaku va pfuniwa ku tirha ni vahuweleri lava nga ni ntokoto eka xiyenge lexi xa vutirheli.

⁵ Xana Hi Nga Hlangana Rini Leswaku Hi Endla Ntirho Lowu? Ntirho lowu hinkwawo wu ta lava leswaku ku va ni malunghiselelo ya ku nyikela vumbhoni hi mintlawa hi ndlela leyi faneleke. Loko swi koteka, minhlangano ya ntirho wa nsimu yi fanele yi hleleriwa siku rin’wana ni rin’wana ra vhiki, hi mahelo-vhiki na nimadyambu. Yi fanele yi khomiwa hi minkarhi leyi nga ta endla leswaku vahuweleri ni maphayona va kota ku hlanganyela hi xitalo enkarhini wa ku nyikela vumbhoni. Nakambe ku fanele ku tlhela ku endliwa malunghiselelo ya ku hlangana nindzhenga leswaku ku ta pfuneka vana va xikolo, vanhu lava nghenaka entirhweni hi ku cincana, ni van’wana. Mulanguteri wa ntirho u fanele a tiyiseka leswaku ku ni nsimu leyikulu ya yindlu na yindlu ni ya mabindzu leswaku un’wana ni un’wana a ta hlanganyela hi xitalo entirhweni lowu. Loko endhawini yo karhi ku ri ni vahuweleri vo tala, va fanele va xiyisisa leswaku i vangani lava tirhaka eka xiyenge xo karhi xa nsimu.

⁶ Ku Vuriwa Yini Hi Lava Nga Riki Kona eMakaya? Hi lava ku vulavula ni vini va miti vo tala hilaha swi nga kotekaka hakona leswaku hi va hlamusela xivangelo lexi endlaka leswaku na vona va boheka ku hlaya Kingdom News No. 35. Hikwalaho loko u kuma ku nga ri na munhu, tsala adirese leswaku u ta tlhelela hi nkarhi wun’wana wa siku. Loko ku ri vhiki ro hetelela ra tsima naswona matshalatshala ya wena yo burisana ni vini va miti ma nga si humelela, u nga ha siya xiphephana xa Kingdom News enyangweni laha xi nga ta ka xi nga voniwi hi vahundzi va ndlela. Etindhawini leti ku tshamaka vanhu eka tona, xalamukela ku fambisa xiphephana xa Kingdom News eka vanhu lava nga ha vaka va ri eku fambeni exitarateni. Loko u tirha etindhawini ta le makaya ni lomu ku nga ni nsimu leyikulu leyi nga hlanganisiwaka hi nkarhi wa tsima, kopi ya xiphephana xa Kingdom News yi nga ha siyiwa loko ku nga ri na munhu ekaya eka riendzo ro sungula.

⁷ Xana Xikongomelo Xa Hina Hi Xihi? Mavandlha ma fanele ma tikarhatela ku tirhisa mphakelo wa wona hinkwawo wa xiphephana xa Kingdom News leswaku ma hlanganisa nsimu ya wona hinkwayo ku nga si hela tsima leri hi November 16. Loko xiavelo xa nsimu ya vandlha ra ka n’wina xi ri xikulu naswona swi nga ri na khombo ku tirha u ri wexe, swi ta va swi ri swinene ku endla tano. Leswi swi ta ku pfuna leswaku u kota ku fikelela vanhu vo tala lava fanelekaka hi mahungu lamanene hilaha swi nga kotekaka hakona. (Mt. 10:11) Swi nga ha pfuna ku va ni swiphephana swi nga ri swingani evokweni ra wena ivi u hoxa Bibele exikhwameni kumbe exipacini xa wena, ematshan’weni yo swi hoxa enkwameni. Tiyiseka leswaku u tsala vanhu hinkwavo lava kombiseke ku tsakela.

⁸ Xana U Lunghekele Ku Sungula? Vakulu va fanele va xiya leswaku i timagazini tingani leti engetelekeke leti vandlha ri nga ta ti lava naswona va fanele va endla odara leyi faneleke. A swi bohi ku oda swiphephana swa Kingdom News No. 35, hikuva swi ta rhumeriwa evandlheni rin’wana ni rin’wana. Maphayona yo hlawuleka, ya nkarhi hinkwawo ni ya nkarhinyana ma ta kuma tikopi ta 250 leswaku ma ti fambisa, kasi vahuweleri va vandlha va ta nyikiwa tikopi ta 50 un’wana ni un’wana. Hi ni ntirho wa hina lowu hi averiweke wona. Xana u tiyimisele ku hlanganyela entirhweni lowu lowu tsakisaka? A swi kanakanisi leswaku u tiyimiserile. A hi hangalaseni rungula leri sekeriweke eBibeleni ra xiphephana xa Kingdom News No. 35 hinkwako-nkwako hilaha swi nga kotekaka hakona!