Vatswari, Dyondzisani Vana Va N’wina

Hi hanya ni vanhu lava tekaka swilo leswinene swi ri swo biha, kasi swo biha swi ri leswinene. (Esa 5:20) Lexi twisaka ku vava, va endla swilo leswi Yehovha a swi vengaka, leswi katsaka ku tekana ka vanhu va rimbewu leri fanaka. Vanghana va le xikolweni kumbe vanhu van’wana va nga ha yenga vana va hina leswaku va landzelela mikhuva ya vona yo biha. U nga va pfuna njhani vana va wena leswaku va langutana ni miringo leyi?

Dyondzisa vana va wena milawu ya Yehovha. (Lv 18:3) Hakatsongotsongo dyondzisa vana va wena hi leswi Bibele yi swi vulaka hi swa masangu. Leswi u va byelaka swona swi fanele swi fambisana ni malembe ya vona. (Dt 6:7) Tivutise swivutiso leswi: ‘Xana ni va dyondzisile vana va mina hi ndlela leyinene yo kombisa rirhandzu, nkoka wo ambala swiambalo leswi xiximekaka ni nkoka wo va van’wana va va xixima? Xana vana va mina va swi tiva leswi va nga swi endlaka loko un’wana a lava ku va komba swifaniso swa vanhu lava nga ambalangiki kumbe a va kombela ku endla swilo leswi Yehovha a swi vengaka?’ Loko mi va dyondzisa va ta sirheleleka. (Swiv 27:12; Ekl 7:12) Loko mi dyondzisa vana va n’wina mi kombisa leswaku mi yi teka yi ri ya nkoka nyiko leyi Yehovha a mi nyikeke yona.—Ps 127:3.

HLALELANI VHIDIYO LEYI NGE, VANA NI NDYANGU LOWU TIYEKE—SIRHELELA VANA VA WENA EKA “LESWO BIHA” KUTANI MI HLAMULA SWIVUTISO LESWI LANDZELAKA:

• 

  Hikwalahokayini van’wana swi va tikela ku dyondzisa vana va vona hi swa masangu?

• 

  Hikwalahokayini vatswari va fanele va dyondzisa vana va vona hi ku “tshinya ni hi swileriso swa Yehovha”?—Ef 6:4

• 

  I yini leswi nhlangano wa Yehovha wu swi nyikeke vatswari leswi nga va pfunaka ku dyondzisa vana va vona hi swa masangu?—w19.05 12, bokisi

• Hikwalahokayini u fanele u tshamela ku burisana ni vana va wena va nga si langutana ni swiphiqo?