Kombisa Ntwelavusiwana

Ntwelavusiwana i vuswikoti byo twisisa ndlela leyi van’wana va ehleketaka ha yona, va titwaka ha yona, mavonelo ya vona ni swilaveko swa vona. Vanhu van’wana va hatla va swi xiya loko hi ri na ntwelavusiwana naswona loko hakunene hi lava ku pfuna van’wana hi ta va twela vusiwana. Loko hi va ni ntwelavusiwana loko hi chumayela, hi va hi tekelela rirhandzu ni ku khathala ka Yehovha naswona sweswo swi endla leswaku vanhu va lava ku dyondza hi yena.—Flp 2:4.

Ku kombisa ntwelavusiwana a ko va ndlela ntsena leyi hi yi tirhisaka loko hi dyondzisa. Hi wu kombisa hi ku rhiya ndleve, ndlela leyi hi vulavulaka ha yona, ndlela leyi hi tshukatshukisaka miri ha yona ni ndlela leyi hi langutekaka ha yona exikandzeni. Hi kombisa leswaku hi ni ntwelavusiwana loko hi tsakela munhu un’wana. Hi swi tekela enhlokweni leswi a swi rhandzaka, leswi a pfumelaka eka swona ni swiyimo swakwe. Hi n’wi byela leswi nga n’wi pfunaka hi tlhela hi n’wi pfuna kambe a hi n’wi sindzisi leswaku a cinca. Loko van’wana va hi pfumelela leswaku hi va pfuna, hi ta tsaka loko hi endla ntirho wo chumayela.

HLALELANI VHIDIYO LEYI NGE, TIPHINE HI KU ENDLA VADYONDZISIWA—ANTSWISA VUTSHILA BYA WENA—KOMBISA NTWELAVUSIWANA KUTANI MI HLAMULA SWIVUTISO LESWI LANDZELAKA:

• 

  Loko Xiluva a nga fikanga hi nkarhi, Rhulani u n’wi twele vusiwana hi ndlela yihi?

• 

  Loko Xiluva a byele Rhulani leswaku a nge swi koti ku dyondza hikuva u na xitirese, Rhulani u n’wi twele vusiwana hi ndlela yihi?

• 

  Rhulani u n’wi twele vusiwana hi ndlela yihi Xiluva loko a vula leswaku a nga hlelekanga?