Fikelela Mbilu

Ku yingisa Xikwembu, swi suka embilwini. (Swiv 3:1) Hikwalaho, loko hi dyondzisa hi fanele hi tikarhatela ku fikelela timbilu ta vayingiseri va hina. Hi nga swi endla njhani?

U nga dyondzisi xichudeni xa wena ntiyiso wa le Bibeleni ntsena kambe xi pfune xi vona leswaku leswi xi swi dyondzaka swi byi khumba njhani vutomi bya xona ni vuxaka bya xona na Yehovha. Xi pfune xi twisisa ndlela leyi milawu ya Bibele yi swi kombisaka ha yona leswaku Xikwembu xi ni rirhandzu, vunene ni ku lulama. Tirhisa swivutiso hi vukheta na hi musa leswaku u xi pfuna xi kambisisa ndlela leyi xi titwaka ha yona hi leswi xi swi dyondzaka. Xi pfune xi vona ndlela leyi xi nga ta vuyeriwa ha yona loko xi swi kota ku lulamisa mavonelo ya xona kumbe swiendlo leswi hoxeke. Loko u vona leswaku xichudeni xa wena xi rhandza Yehovha swi suka embilwini, swi ta endla leswaku u tsaka.

HLALELANI VHIDIYO LEYI NGE, TIPHINE HI KU ENDLA VADYONDZISIWA—ANTSWISA VUTSHILA BYA WENA—FIKELELA MBILU KUTANI MI HLAMULA SWIVUTISO LESWI LANDZELAKA:

• 

  Hikwalahokayini Rhulani a vutise Xiluva a ku: “U sale u ehleketisisa hi leswi a hi dyondza ha swona?”

• 

  Rhulani u n’wi pfune njhani Xiluva leswaku a vona ndlela leyi milawu ya Bibele yi swi kombisaka ha yona leswaku Yehovha wa n’wi rhandza?

• 

  Rhulani u n’wi pfune njhani Xiluva leswaku a anakanyisisa hi ndlela leyi a nga swi kombisaka ha yona leswaku wa xi rhandza Xikwembu?