Pfuna Swichudeni Swa Bibele Leswaku Swi Tshika Mikhuva Leyi Nga Basangiki

I vanhu lava nga ni mahanyelo lama baseke ntsena lava nga tiphinaka hi vuxaka lebyinene na Yehovha. (1Pe 1:14-16) Loko swichudeni swa Bibele swi tshika mahanyelo yo biha swi ta tsaka naswona swi ta va ni ndyangu, rihanyo lerinene swi tlhela swi kota ku tirhisa mali kahle.

Swi hlamusele kahle hi milawu ya Yehovha ya mahanyelo, swivangelo swo va yi ri kona ni ku tlhela u swi byela vuyelo bya ku yi landzela. Rhanga u pfuna swichudeni swa wena swi cinca ndlela leyi swi ehleketaka hayona hikuva sweswo swi ta swi pfuna leswaku swi kota ku endla leswi Yehovha a swi lavaka. (Ef 4:22-24) Swi tiyisekise leswaku Yehovha a nga swi pfuna swi hlula mukhuva wo biha lowu se wu dzimeke timintsu. (Flp 4:13) Swi dyondzise ku khongela swi kombela Yehovha a swi pfuna loko swi ringeka ku endla xidyoho. Swi pfune swi kota ku xiya ni ku tlhela swi kota ku papalata swiyimo leswi nga ha swi ringaka leswaku swi endla swihoxo. Swi pfune leswaku swi siva mikhuva yo biha hi ku endla swilo leswinene. Hakunene swa tsakisa loko u vona swichudeni swa Bibele swi kota ku cinca hi ku pfuniwa hi Yehovha.

HLALELANI VHIDIYO LEYI NGE, PFUNA SWICHUDENI SWA WENA SWA BIBELE LESWAKU SWI TSHIKA MIKHUVA LEYI NGA BASANGIKI KUTANI MI HLAMULA SWIVUTISO LESWI LANDZELAKA:

• 

  Xana vakulu na Rhulani va swi kombise njhani leswaku va n’wi tshemba Xiluva?

• 

  Rhulani u n’wi pfune njhani Xiluva?

• 

  Xiluva u wu kombele njhani mpfuno eka Yehovha?