Xana U Lunghekile Ku Langutana Ni Mikitsikitsi Ya Le Tikweni?

Leswi makumu ma tshinelaka, hi rindzele ku andza ka mikitsikitsi, vutherorisi ni tinyimpi. (Nhl 6:4) Hi nga swi lunghekela njhani ku langutana ni swiyimo swo tika leswa ha taka?

• Tshama u hlomile eripfumelweni: Kuma misinya ya milawu ya Bibele ni timhaka tin’wana leti nga tiyisaka ntshembo wa wena eka Yehovha swin’we ni nhlangano wakwe, leswi swi ta ku pfuna leswaku u nga tikatsi eka swa tipolitiki. (Swiv 12:5; jr 125-126 ¶23-24) Sweswi i nkarhi wo tiakela vuxaka lebyi tiyeke ni vamakwerhu evandlheni.—1Pe 4:7, 8

• Tshama u hlomile hi swilaveko: Kunguhata ko chavela kona naswona u hloma hi swilaveko leswi ringaneke. Nakambe kunguhata leswi u nga ta balekisa xiswona. Tlhela u kambela leswi u swi longeleke enkwameni wa wena wa ndzindza khombo kutani u katsa ni switirhisiwa leswi nga ta ku pfuna ni mali. Vana ni ndlela yo tihlanganisa ni vakulu naswona u tiyiseka leswaku na vona va ni ndlela yo tihlanganisa na wena.—Esa 32:2; g17.5 3-7

Hi nkarhi wa mikitsikitsi, hambeta u tiwundla eripfumelweni hilaha u tiwundlaka hakona. (Flp 1:10) Papalata ku fambafamba handle ka loko u rhurhela kun’wana. (Mt 10:16) U nga tsonani hi swakudya ni switirhisiwa swin’wana.—Rhm 12:13.

HLALELANI VHIDIYO LEYI NGE, XANA U TI LUNGHEKERILE TIMHANGU? KUTANI MI HLAMULA SWIVUTISO LESWI LANDZELAKA:

• Yehovha a nga hi pfuna njhani hi mikarhi ya timhangu?

• Hi wahi magoza lama tirhaka lama hi nga ma tekaka leswaku hi lungheka?

• Hi nga va pfuna njhani lava weriweke hi timhangu?