MAHANYELO YA VAKRESTE

Xana U Swi Lunghekerile Swiyimo Swo Tika Swa Ekhonomi?

A swi hi hlamarisi loko swiyimo swa misava swi endla leswaku ekhonomi yi cincacinca. Hikwalahokayini? Hikuva hi hanya emasikwini yo hetelela naswona Bibele yi hi lemukisa leswaku hi nga veki ntshembo wa hina eka “rifuwo leri helaka.” (1Tm 6:17; 2Tm 3:1) Xikombiso xa Hosi Yehoxafati xi nga hi dyondzisa yini hi ku lunghekela swiyimo swo tika swa ekhonomi?

Loko a langutane ni nxungeto wo hlaseriwa hi matiko ya valala, Yehoxafati u titshege hi Yehovha. (2Tk 20:9-12) U tlhele a teka magoza hi ku va a biyela muti ka ha ri emahlweni a tlhela a veka ni masocha. (2Tk 17:1, 2, 12, 13) Ku fana na Yehoxafati, hi ta va hi endla kahle loko hi titshega hi Yehovha hi tlhela hi teka magoza lama nga hi pfunaka leswaku hi tiyisela swiyimo swo tika.

HI NGA ENDLA YINI LESWAKU HI LUNGHEKELA SWIYIMO SWO TIKA SWA EKHONOMI?

Vana ni vuxaka byo tiya na Yehovha: Enerisaka naswona u tshemba Yehovha leswaku u ta ku nyika swilaveko swa wena swa siku ni siku. (Mt 6:26; 1Tm 6:8) U nga tshiki ku landzela misinya ya milawu ya Bibele hi xikongomelo xo lava ku enerisa swilaveko swa wena. (Rhm 2:21) Xiya ndlela leyi u nga yaka emahlweni u hlaya Bibele ni mikandziyiso hambiloko gezi kumbe inthanete yi nga ri kona. Vana ni mikandziyiso leyi kandziyisiweke, loko swi koteka dawuniloda mikandziyiso ka ha ri emahlweni.

Tshama u lunghekile hi tlhelo ra nyama: Hunguta swikweleti ni ku xava swilo leswi nga riki swa nkoka ku nga se fika swiyimo swo tika swa ekhonomi. (Swiv 22:7) Loko swi koteka hlayisa swakudya leswi eneleke ni swilo swin’wana swa nkoka. Van’wana va nga ha ehleketa hi ku byala ni ku tlhela va rima matsavu leswaku va ta hlayisa mali.

HLALELANI VHIDIYO LEYI NGE, XANA U LUNGHEKILE KU LANGUTANA NI TIMHANGU TA NTUMBULUKO? KUTANI MI HLAMULA SWIVUTISO LESWI LANDZELAKA:

Swifaniso swa swiphemu swa vhidiyo leyi nge, “Xana U Lunghekile Ku Langutana Ni Timhangu Ta Ntumbuluko?” Swifaniso leswi kombiseke Bibele, nkwama wa ndzindza khombo, rinqingo ni vatirhi vo aka.

I yini leswi hi nga swi endlaka leswaku hi lunghekela timhangu?

Your answer

Hi nga swi lunghekela njhani ku pfuna van’wana?

Your answer