MAHANYELO YA VAKRESTE
Varisi Lava Tirhelaka Ku Pfuna Vanhu Va Yehovha
Vanhu vo tala a va va tshembi vanhu lava nga ni vulawuri. I mani a nga va solaka? Vanhu va ni matimu yo tirhisa vulawuri leswaku va tivuyerisa. (Mk 7:3) Hi ni nkateko hi leswi vakulu emavandlheni va leteriweke ku tirhisa vulawuri bya vona leswaku vanhu va Yehovha va ta vuyeriwa.—Est 10:3; Mt 20:25, 26.
Ku hambana ni vanhu lava nga ni vulawuri emisaveni, vakulu va tikarhatela ku va valanguteri hi leswi va rhandzaka Yehovha ni vanhu vakwe. (Yh 21:16; 1Pe 5:1-3) Hi ku kongomisiwa hi Yesu, varisi lava va pfuna vahuweleri leswaku va titwa va ri ekaya exikarhi ka vanhu lava gandzelaka Yehovha ni leswaku va va ekusuhi na Yehovha. Va tshama va ri karhi va khutaza tinyimpfu ta Yehovha ni ku tipfuna loko ku tlhekeke xiyimo xa xihatla xa swavutshunguri ni loko ku ri ni mhangu. Loko u lava mpfuno hikwalahokayini u nga tshineleli vakulu evandlheni leri u nga eka rona?—Yk 5:14.
HLALELANI VHIDIYO LEYI NGE, VAKULU LAVA RHANDZAKA TINYIMPFU KUTANI MI HLAMULA SWIVUTISO LESWI LANDZELAKA:
Mariana u vuyeriwe njhani eka mpfuno lowu a wu kumeke eka vakulu?
Elias u vuyeriwe njhani eka mpfuno lowu a wu kumeke eka vakulu?
Endzhaku ko hlalela vhidiyo leyi, xana u titwa njhani hi ntirho lowu endliwaka hi vakulu?