MAHANYELO YA VAKRESTE
Vatswari—Pfunani Vana Va N’wina Leswaku Va Kuma Vutlhari Bya Xikwembu
Nchumu wa nkoka swinene lowu vatswari va nga pfunaka vana va vona leswaku va kuma vutlhari bya Xikwembu, i ku va pfuna va vuyeriwa loko va ri etidyondzweni. Leswi vana va swi twaka, va swi vonaka va tlhela va hlamula loko va ri etidyondzweni swi nga va pfuna leswaku va dyondza hi Yehovha kutani va va munghana wa yena lonkulu. (Dt 31:12, 13) Loko u ri mutswari, u nga va pfuna njhani vana va wena leswaku va vuyeriwa swinene etidyondzweni?
Tikarhatele ku ya etidyondzweni hi xiviri.—Ps 22:22
Tiyiseka leswaku u tiphina hi mabulo ni vamakwerhu eHolweni ya Mfumo loko tidyondzo ti nga si sungula kumbe loko ti humile.—Hv 10:25
Tiyiseka leswaku xirho ha xin’we xa ndyangu xi na kopi ya nkandziyiso lowu nga ta dyondzisiwa etidyondzweni ku nga ha va wa elektroniki kumbe lowu printiweke
Pfuna n’wana wena leswaku a lunghiselela hlamula hi marito ya yena.—Mt 21:15, 16
Vulavula kahle hi tidyondzo ni swiletelo leswi hi swi kumaka eka tona
Pfuna vana va wena leswaku va katseka eka mitirho yo tanihi ku basisa Holo ya Mfumo va tlhela va vulavula ni vadyuhari evandlheni
Ku pfuna vana va wena leswaku va tshinela ekusuhi na Yehovha swi lava u juluka naswona mikarhi yin’wana swi nga vonaka ku ri tlakulavaxurha. Hambiswiritano, u nga tiyiseka leswaku Yehovha u ta ku pfuna.—Esa 40:29.
HLALELANI VHIDIYO LEYI NGE, TANIHI VATSWARI, TITSHEGENI HI YEHOVHA NI HI MATIMBA YAKWE, KUTANI MI HLAMULA SWIVUTISO LESWI LANDZELAKA:
Xana ku karhala a swi va vangela yini Zack na Leah?
Hikwalahokayini vatswari va fanele va titshega hi Yehovha leswaku a va nyika matimba?
Zack na Leah va titshege hi Yehovha hi tindlela tihi leswaku a va pfuna?