Watchtower LAYIBURARI YA LE KA WEB SITE
Watchtower
LAYIBURARI YA LE KA WEB SITE
Xitsonga
  • BIBELE
  • MIKANDZIYISO
  • TINHLENGELETANO TA VANDHLA
  • wp21 No. 3 matl. 9-11
  • Xana Ku Va Munhu Lonene Swi Ta Endla U Va Ni Vumundzuku Lebyinene?

A ku na vhidiyo.

Hi khomele, ku ve ni xiphiqo loko hi tlanga vhidiyo leyi.

  • Xana Ku Va Munhu Lonene Swi Ta Endla U Va Ni Vumundzuku Lebyinene?
  • Xihondzo xo Rindza Xi Huwelela Mfumo Wa Yehovha (Nkandziyiso Wa Vanhu Hinkwavo)—2021
  • Swihloko
  • Tinhlokomhaka Tin'wana Leti Yelana Na Yona
  • LESWI VO TALA VA SWI ENDLAKA
  • VUYELO BYA KONA HI BYIHI?
  • Vanhu Hinkwavo Va Lava Vumundzuku Lebyinene
    Xihondzo xo Rindza Xi Huwelela Mfumo Wa Yehovha (Nkandziyiso Wa Vanhu Hinkwavo)—2021
  • Lexi Nga Ku Pfunaka Leswaku U Va Ni Vumundzuku Lebyinene
    Xihondzo xo Rindza Xi Huwelela Mfumo Wa Yehovha (Nkandziyiso Wa Vanhu Hinkwavo)—2021
  • Xingheniso
    Xihondzo xo Rindza Xi Huwelela Mfumo Wa Yehovha (Nkandziyiso Wa Vanhu Hinkwavo)—2021
  • “Lavo Rhula Va Ta Dya Ndzhaka Ya Misava”
    Xihondzo xo Rindza Xi Huwelela Mfumo Wa Yehovha (Nkandziyiso Wa Vanhu Hinkwavo)—2018
Vona Swo Tala
Xihondzo xo Rindza Xi Huwelela Mfumo Wa Yehovha (Nkandziyiso Wa Vanhu Hinkwavo)—2021
wp21 No. 3 matl. 9-11
Wansati a ri karhi a nyizela mukhegula leswaku a tshama ebazini.

Xana Ku Va Munhu Lonene Swi Ta Endla U Va Ni Vumundzuku Lebyinene?

Ku ringana malembe yo tala, vo tala a va tibyela leswaku ku va ni mahanyelo lamanene a swi ta endla leswaku munhu a va ni vumundzuku lebyinene. Hi xikombiso, vanhu va le Asia a va xixima leswi vuriweke hi mutivi wa filosofi tlhelo mudyondzisi loyi a vuriwaka Confucius, loyi a nga te: “Leswi u nga laviki swi endliwa eka wena, u nga swi endli eka van’wana.”a

LESWI VO TALA VA SWI ENDLAKA

Vo tala va tshemba leswaku ku va ni mahanyelo lamanene swi ta va endla va va ni vumundzuku lebyinene. Va ringeta ku va ni ripfalo leri baseke, va xixima van’wana ni ku tikhoma kahle. Linh wansati wa le Vietnam u ri: “Mikarhi hinkwayo a ndzi tibyela leswaku loko ndzi tshembeka ni ku pfuna van’wana hi mbilu ya mina hinkwayo, a ndzi ta katekisiwa.”

Wansati luya nakambe a ri karhi a phamela lava pfumalaka swakudya.

Van’wana va dyondzisiwa hi vukhongeri bya vona ku endla leswinene. Wanuna wa le Taiwan loyi a vuriwaka Hsu-Yun, u ri: “A ndzi dyondzisiwe leswaku ndlela leyi munhu a hanyaka hayona sweswi, hi yona yi nga ta kombisa leswaku u ta tsaka kumbe a xaniseka loko a file.”

VUYELO BYA KONA HI BYIHI?

Eku heleni ka siku, wansati luya a nga tsakanga naswona u karhele, a ri karhi a tlakule n’wana wakwe.

Ku endlela van’wana leswinene swi endla hi vuyeriwa. Kambe lava endlelaka van’wana leswinene va xiye leswaku mikarhi yin’wana a va khomiwi kahle. Wansati la vuriwaka Shiu Ping, la tshamaka eHong Kong u ri: “Ndzi tivonele hi ya mina leswaku lava endlaka leswinene a hi mikarhi hinkwayo swi va fambelaka kahle. A ndzi wa ndzi pfuka leswaku ndzi hlayisa ndyangu wa mina ni ku wu endlela leswinene. Kambe vukati bya mina a byi fambanga kahle naswona nuna wa mina u tsukule muti, a ndzi siya ni jaha ra mina.”

Vo tala va xiye leswaku a hi vanhu hinkwavo lava nghenaka kereke lava nga vanene. Etsuko wansati la tshamaka eJapani u ri: “Ndzi nghene kereke yin’wana ivi ndzi va mukongomisi wa mitirho ya vantshwa. A ndzi tsemeke nhlana loko ndzi vona leswaku vanhu van’wana ekerekeni yoleyo a va ri ni mahanyelo yo biha, va lwela swikhundlha va tlhela va tirhisa mali ya kereke hi ndlela yo biha.”

“A ndzi ringeta hi matimba leswaku ndzi hlayisa ndyangu wa mina ni ku wu endlela leswinene. Kambe vukati bya mina a byi fambanga kahle naswona nuna wa mina u tsukule muti, a ndzi siya ni jaha ra mina.”—SHIU PING, HONG KONG

Van’wana lava rhandzaka vukhongeri naswona va ringeteke ku endla swilo leswinene, va hele matimba loko va weriwa hi swilo swo biha. Yoleyo i ndlela leyi Van, wansati wa le Vietnam a titweke hayona. U ri: “Masiku hinkwawo a ndzi xava mihandzu, swiluva ni swakudya leswaku ndzi ta phahlela vakokwa wa mina lava feke hi ku tshemba leswaku ndzi ta kuma mikateko. Hambileswi a ndzi hanya hi ndlela leyinene ni ku endla leswinene ekerekeni ku ringana malembe yo tala, nuna wa mina u sungule ku vabya swinene. Endzhaku ka sweswo, n’wana wa mina wa nhwanyana u file loko a ri exikolweni etikweni rin’wana.”

HIKWALAHOKAYINI KU VA MUNHU LONENE SWI NGA ENELANGA LESWAKU U VA NI VUMUNDZUKU LEBYINENE?

I swa nkoka ku va munhu lonene kambe sweswo ntsena a swi nge endli leswaku u va ni vumundzuku lebyinene. Hikwalahokayini? Anakanya hi leswi Bibele yi hi byelaka swona.

A HI VANHU HINKWAVO LAVA HLAWULAKA KU ENDLA LESWINENE

“Mudyohi un’we ntsena a nga onha swo tala.”—EKLESIASTA 9:18.

Hambiloko u ringeta hi matimba ku va munhu lonene, u nga ha vavisiwa hi swilo leswi endliwaka hi vanhu lava nga va ehleketeleriki van’wana. Hi xikombiso, hi nkarhi lowu wa ntungu wa COVID-19, u nga ha yingisela xitsundzuxo xa valawuri xo papalata ku tshinela ekusuhi ni van’wana. Ku ta endleka yini loko van’wana va nga yingisi? Va nga ha vabyisa lava tiyimiseleke ku yingisa.

VANHU VA NGA HA TSANDZEKA KU HAMBANISA LESWINENE NI LESWO BIHA

“Ku ni ndlela leyi vonakaka yi lulamile eka munhu, kambe emakumu yi yisa eku feni.”—SWIVURISO 14:12.

Matimu ma tele hi swikombiso swa vanhu lava endleke swilo leswi a va ehleketa leswaku swi lulamile kambe hi ku famba ka nkarhi va kume leswaku a swi hoxile. Hambileswi a va ehleketa leswaku leswi va swi endlaka swi lulamile, va xanisekile hikwalaho ka swiboho swa vona swo biha.

A HI SWI TIVI LESWI NGA TA ENDLEKA MUNDZUKU

“A mi swi tivi leswaku vutomi bya n’wina byi ta va njhani mundzuku.”—YAKOBO 4:14.

Swi nga ri na mhaka leswaku hi lulame ku fikela kwihi, hinkwerhu hi ta fa. Hi xikombiso, hi nkarhi wa ntungu wa COVID-19, vanhu vo tala va file hileswi a va ringeta ku pfuna van’wana. Twana mhaka ya Liting, wansati wa le Chayina loyi a feriweke hi tata wakwe eka mhangu ya movha. U ri: “A ndzi nga swi twisisi leswaku swi ta njhani ku munhu wo tano la nga ni musa a fa. Tatana a a ri munhu la tirhaka hi matimba, a titsongahata naswona a a tshembeka. Hi yena ntsena a feke emovheni.”

Loko ku va munhu lonene swi nga byi tisi vumundzuku lebyinene, i yini leswi byi tisaka? Leswaku hi hlamula xivutiso lexi, hi lava nkongomiso wo tshembeka lowu nga hi pfunaka leswaku hi kota ku hlamula swivutiso leswi hi nga na swona mayelana ni vumundzuku lebyinene. Hi nga wu kuma kwihi nkongomiso lowu?

a Leswaku u kuma leswi engetelekeke mayelana nileswi Confucius a swi dyondziseke, vona ndzima 7, tindzimana 31-35 eka buku leyi nge, Ku Lavisisa Ka Vanhu Xikwembu, leyi kandziyisiweke hi Timbhoni ta Yehovha naswona yi kumekaka eka website ya www.jw.org/ts.

    Minkandziyiso Ya Xitsonga (1987-2025)
    Huma
    Nghena
    • Xitsonga
    • Rhumela
    • Leswi u swi tsakelaka
    • Copyright © 2025 Watch Tower Bible and Tract Society of Pennsylvania
    • Swipimelo Swo Tirhisa Website Leyi
    • Milawu Yo Sirhelela Rungula Ra Xihundla
    • Seta Swa Xihundla
    • JW.ORG
    • Nghena
    Rhumela