Hi Nga Ri Hlula Rivengo!

Loko swi nga ri tano, swi nga endleka u tshame u vona van’wana va vengiwa. Hi xitalo ha va vona vanhu va vengiwa hikwalaho ka leswi va humaka etikweni rin’wana, va nga va rixaka rin’wana kumbe hileswi va rhandzanaka ni vanhu va rimbewu leri fanaka. Sweswo swi endla mfumo wu teka magoza yo va pfalela ejele lava vengaka vanhu va rixaka ro karhi.

Hakanyingi swa olova eka lava vengiwaka leswaku na vona va venga van’wana. Hakanyingi lava vengiwaka, na vona va lava ku tlherisela hi ku venga vanhu van’wana kutani sweswo swi hangalasa rivengo.

Kumbexana na wena ku ni vanhu lava nga ku khomangiki kahle, va ku xanisa hikwalaho ka ndlela leyi u endlaka swilo hayona, va endla xihlekiso hi wena, va ku rhuketela ni ku ku xungeta. Namuntlha rivengo ra ha ya emahlweni ri hangalaka. Hikwalaho ka rona, vanhu va endla swilo swo biha swinene leswi katsaka ku xanisa van’wana, ku onhetela nhundzu, ku khoma van’wana hi ndlela yo biha, ku pfinya, ku dlayana ni ku dlayetela vanhu va rixaka rin’wana.

Magazini lowu wu ta hlamula swivutiso leswi landzelaka ni ku kombisa tindlela to hlula rivengo:

• Hikwalahokayini rivengo ri hangalake ngopfu namuntlha?

• Hi nga ri hlula njhani rivengo?

• Xana wu ta kala wu fika nkarhi lowu rivengo ri nga ta hela?