Leswi Nga Ku Pfunaka Ku Dyondza

Leswi Nga Ku Pfunaka Leswaku U Fambisana Ni Matwisiselo Lamantshwa Mayelana Ni Tidyondzo To Karhi

I nkateko lowukulu ku hanya enkarhini lowu Yehovha a basisaka matwisiselo ya hina ya tidyondzo to karhi ta Bibele hakatsongotsongo. (Dan. 12:4) Nilokoswiritano, swi nga hi tikela ku fambisana ni ku cinca loku ka matwisiselo ya hina ya ntiyiso wa le Bibeleni. Hi nga ti kuma kwihi tidyondzo leti ni tinhlamuselo leti antswisiweke?

• Watch Tower Publications Index yi ni xiyenge lexi nge, “Beliefs Clarified” lexi nga ni nxaxamelo lowu heleleke wa tidyondzo leti antswisiweke hi ku ya hi lembe. Leswaku u kuma nxaxamelo wa tinhlokomhaka, tsala “understanding clarified” (u hoxa na mitshaho) eka xibokisana xo secha xa Watchtower Library kumbe Watchtower LAYIBURARI YA LE KA WEBSITE.

• Nkongomiso Wo Endla Ndzavisiso Wa Timbhoni Ta Yehovha wu ni nxaxamelo wo koma lowu pakiweke hi ku ya hi tinhlokomhaka. Yana eka “Timbhoni ta Yehovha,” ivi u nghena eka “Langutelo Ni Leswi Ti Pfumelaka Eka Swona” kutani u ya eka “Ku Antswisiwa Ka Tidyondzo Ta Hina.”

Loko u ri karhi u endla dyondzo ya munhu hi yexe, swi nga va njhani u hlawula dyondzo leya ha ku antswisiwaka ivi u endla ndzavisiso mayelana ni matwisiselo lamantshwa ni swivangelo swa le Matsalweni leswi endleke ku va ni ku cinca koloko.