Leswi Nga Ku Pfunaka Ku Dyondza

Xana ta ku vuyerisa tinhlamuselo ta tindzimana ta Bibele leti kumekaka eka Nkongomiso Wo Endla Ndzavisiso Wa Timbhoni Ta Yehovha?

Tinhlamuselo leti ti nga ku pfuna u kuma swo tala eRitweni ra Xikwembu. Ti nga ha katsa vuxokoxoko bya ndlela leyi swilo a swi ri hayona loko xiendlakalo lexi hlamuseriwaka eka ndzimana ya Bibele xi endleka, hikwalahokayini swi tsariwile, a swi kongomisiwe eka mani kumbe nhlamuselo ya marito yo karhi kumbe swiga.

Watchtower LAYIBURARI YA LE KA WEBSITE na JW Layiburari yi ku pfumelela leswaku u pfula tirheferense ta Nkongomiso Wo Endla Ndzavisiso hi ku kongoma eka ndzimana ya Bibele. Tirheferense leti ta kumeka etlhelo eka Bibele ya ririmi rin’wana ni rin’wana leri nga kona.

Loko u ri karhi u tirhisa tirheferense leti, xiya leswaku tinhlokomhaka teto ti hoxiwe rini. Tinhlokomhaka letintshwa hi tona ti sungulaka ku humelela ehenhla. Loko u ehla na tona, tinhlokomhaka ta khale ti nga hlamusela matwisiselo ya khale lama hi ku famba ka nkarhi ma antswisiweke.

• Tirheferense ta tindzimana leti nga eka Nkongomiso Wo Endla Ndzavisiso ta kumeka ni le ka Watchtower LAYIBURARI YA LE KA WEBSITE.

• Leswaku u kota ku vona tirheferense ta tindzimana eka JW Layiburari, nghenisa Nkongomiso Wo Endla Ndzavisiso ivi u dawuniloda loko ku ri ni tinhlokomhaka letintshwa. U nga endla leswi hi ku tlhava batheni leyi nga le tlhelo eka ndzima yin’wana ni yin’wana ya Bibele.