Ku Tiyisela Hambiloko U Khomiwe Ku Biha

Hlaya Genesa 37:​23-28; 39:​17-23 leswaku u twa leswi pfuneke Yosefa a tiyisela loko a nga khomiwi kahle.

Kambisisa mongo wa mhaka. I yini leswi endleke Yosefa a khomiwa ku biha? (Gen. 37:​3-11; 39:​1, 6-10) Xana Yosefa u tiyisele nkarhi wo tanihi kwihi a ri karhi a khomiwe ku biha? (Gen. 37:2; 41:46) Hi nkarhi wolowo, i yini leswi Yehovha a n’wi endleleke swona Yosefa kambe i yini leswi A nga swi endlangiki?—Gen. 39:​2, 21; w23.01 17 ¶13.

Endla ndzavisiso lowu engetelekeke. Bibele a yi swi boxi loko Yosefa a tiyimelerile eka swihehlo swa mavunwa leswi a swi vuriwa hi nsati wa Potifaro. Xana matsalwa lama landzelaka ma nga hi pfuna njhani hi vona swivangelo leswi nga ha vaka swi endle Yosefa a hlawula ku nga vuli nchumu nileswaku hikwalahokayini hi nga fanelanga hi langutela leswaku eBibeleni ku boxiwa swilo hinkwaswo? (Swiv. 20:2; Yoh. 21:25; Mit. 21:37) I yini leswi nga ha vaka swi pfune Yosefa a tiyisela loko a khomiwa ku biha?—Mik. 7:7; Luka 14:11; Yak. 1:​2, 3.

Hi tihi tidyondzo leti u nga tikumaka. Tivutise:

• ‘Tanihi mudyondzisiwa wa Yesu, ndzi nga langutela leswaku vanhu va ndzi khoma ku biha hi tindlela tihi?’ (Luka 21:​12, 16, 17; Hev. 10:​33, 34)

• ‘Ndzi nga endla yini sweswi leswaku ndzi kota ku tiyisela loko ndzi khomiwa biha?’ (Ps. 62:​7, 8; 105:​17-19; w19.07 2-7)