Dyondza Eka Swifaniso

Mikandziyiso ya hina yi ni swifaniso swo tala leswi hi dyondzisaka tidyondzo ta nkoka. Xana swi nga ku pfuna njhani swifaniso leswi loko u ri karhi u dyondza?

• Rhanga u swi kambisisa u nga si hlaya rungula. Ku fana ni leswi hi kotaka ku navela swakudya hi ku swi languta kunene, swifaniso swi nga hi koka rinoko ni ku endla leswaku hi navela ku hlaya. Hikwalaho, hi fanele hi endla hilaha ku fanaka eka swifaniso leswi nga eka mikandziyiso ya hina, tivutise leswi, ‘Xana ndzi vona yini?’—Amo. 7:​7, 8.

• Loko u ri karhi u hlaya nhlokomhaka, tivutise leswaku hikwalahokayini ku hlawuriwe swifaniso leswi nga kona. Hlaya marito lama fambisanaka ni swifaniso kumbe tinhlamuselo ta kona loko ti ri kona. Xiya ndlela leyi xifaniso xi fambisanaka hayona ni nhlokomhaka leyi u yi hlayaka ni ndlela leyi u nga swi tirhisaka hayona evuton’wini bya wena.

• Loko u heta ku hlaya, tirhisa swifaniso leswaku u pfuxeta tinhlankulu ta nhlokomhaka. Ringeta ku tsundzuka swifaniso leswi u dyondzeke haswona ku katsa ni tidyondzo leti u tikumeke leti fambisanaka ni swifaniso sweswo.

• Ringeta ku titsundzuxa leswi u swi dyondzeke eka Xihondzo lexi hi ku languta swifaniso swa kona.