Watchtower LAYIBURARI YA LE KA WEB SITE
Watchtower
LAYIBURARI YA LE KA WEB SITE
Xitsonga
  • BIBELE
  • MIKANDZIYISO
  • TINHLENGELETANO TA VANDHLA
  • w25 August tl. 31
  • Swivutiso Swa Vahlayi

A ku na vhidiyo.

Hi khomele, ku ve ni xiphiqo loko hi tlanga vhidiyo leyi.

  • Swivutiso Swa Vahlayi
  • Xihondzo xo Rindza Xi Huwelela Mfumo Wa Yehovha (Lexi Dyondziwaka eVandlheni)—2025
  • Tinhlokomhaka Tin'wana Leti Yelana Na Yona
  • Mfumo Wa Xikwembu Wu Susa Valala Va Wona
    Mfumo Wa Xikwembu Wa Fuma!
  • Armagedoni Yi Hi Khomele Mahungu Yo Tsakisa!
    Xihondzo xo Rindza Xi Huwelela Mfumo Wa Yehovha (Nkandziyiso Wa Vandlha)—2019
  • Hi Tiva Yini Hi Ndlela Leyi Yehovha A Nga Ta Avanyisa Vanhu eNkarhini Lowu Taka?
    Xihondzo xo Rindza Xi Huwelela Mfumo Wa Yehovha (Lexi Dyondziwaka eVandlheni)—2024
  • Tshama U Tshembekile Hi Nkarhi Wa “Nhlomulo Lowukulu”
    Xihondzo xo Rindza Xi Huwelela Mfumo Wa Yehovha (Nkandziyiso Wa Vandlha)—2019
Vona Swo Tala
Xihondzo xo Rindza Xi Huwelela Mfumo Wa Yehovha (Lexi Dyondziwaka eVandlheni)—2025
w25 August tl. 31

Swivutiso Swa Vahlayi

Xana ntirho wo chumayela wu ta hela rini?

Yesu u vule leswi: “Mahungu lawa lamanene ya Mfumo ma ta chumayeriwa emisaveni hinkwayo leswaku byi va vumbhoni ematikweni hinkwawo, kutani hi kona makumu ma nga ta fika.” (Mat. 24:14) Rito ra Xigriki leri hundzuluxeriweke ri va “makumu” eka ndzimana leyi ni le ka tindzimana 6 na 13, i teʹlos. Ri kombetela eka ku va misava ya Sathana yi heriseriwa makumu hi nkarhi wa Armagedoni. (Nhlav. 16:​14, 16) Hikwalaho, hi ta ya emahlweni hi chumayela mahungu lamanene kukondza makumu wolawo ma fika. Loku i ku antswisiwa ka matwisiselo ya hina ya khale.

Khale a hi twisisa leswaku ntirho wo chumayela mahungu lamanene wu ta hela loko Babilona Lonkulu a lovisiwa, ku nga ku sungula ka nhlomulo lowukulu. (Nhlav. 17:​3, 5, 15, 16) Nakambe a hi tshemba leswaku ku hela ka xiendlakalo lexi, a ku ta fungha ku hela ka “lembe ra Yehovha ra ntwelavusiwana” ro fanekisela. (Esa. 61:2) Ku engetela kwalaho, a hi tshemba leswaku lava nga ta pona nhlomulo lowukulu, a swi ta lava leswaku va kombisa ku va tinyiketerile eka Yehovha nhlomulo wolowo wu nga si sungula. A hi va fanisa ni Vayuda lava poneke ku lovisiwa ka muti wa Yerusalema hi 607 B.C.E. Vayuda volavo se a va funghiwile leswaku a va ta pona hikuva va gandzele Yehovha ni ku tlhela va venga swilo swo homboloka. (Ezek. 5:11; 9:4) Hambiswiritano, leswi a hi swi tshemba a swi fambisani ni marito ya Yesu lama nga eka Matewu 24:​14, lama kombisaka leswaku vanhu va nga kuma nkarhi wo amukela mahungu lamanene, loko ku sale nkarhi wutsongo leswaku makumu ma fika hi nkarhi wa Armagedoni.

Leswi se hi yi twisisaka kahle Matewu 24:​14, hi fanele hi cinca ndlela leyi hi yi twisisaka hayona Nhlavutelo 16:​21, leyi vulavulaka hi rungula leri fanaka ni xihangu. Loko matsalwa lawa ma ri karhi ma kambisisiwa, swi ve erivaleni leswaku ma fambisana. Njhani? Nhlamulo yi kumeka eka ndlela leyi vanhu va angulaka hayona loko va chumayeriwa mahungu ya Mfumo. Muapostola Pawulo u tsale leswaku mahungu lawa lamanene i “nun’hwelo wo nandziha” eka “lava ponisiwaka.” Kambe eka valala va Xikwembu, i “nun’hwelo lowu humaka eku feni,” ku nga mahungu yo biha. (2 Kor. 2:​15, 16) Va ma venga mahungu lawa lamanene hikuva ma paluxa leswaku misava ya Sathana yi hombolokile naswona yi ta lovisiwa.—Yoh. 7:7; 1 Yoh. 2:17; 5:19.

Nakambe xiya leswaku xihangu xo fanekisela xi ta “chavisa ngopfu.” Leswi swi kombisa leswaku hi nkarhi wa nhlomulo lowukulu, rungula leri hi nga ta ri chumayela ri ta tlhava lava va ri twaka hikuva vito ra Yehovha ri ta tivisiwa ku tlula rini na rini. (Ezek. 39:7) Hi nkarhi wolowo wo hetelela, endzhaku ka loko Babilona Lonkulu a lovisiwile, xana ku ta va ni lava nga ta tsakela mahungu wolawo lama fanaka ni nun’hwelo wo nandziha? Swi nga endleka va va kona. Kumbexana va ta swi tsundzuka kumbe ku swi twa leswaku Timbhoni ta Yehovha ti tshame ti vula leswaku vukhongeri bya mavunwa byi ta lovisiwa.

Leswaku hi vona ku fana loku nga kona, ehleketa hi leswi endlekeke eka tiko ra Egipta ra khale endzhaku ka loko ku ve ni Makhombo ya Khume. Endzhaku ka loko Yehovha a “avanyis[e] swikwembu hinkwaswo swa Egipta,” vanhu vakwe va joyiniwe hi “ntlawa lowukulu wa vanhu vo hambanahambana” lava a va nga ri Vaisrayele. (Eks. 12:​12, 37, 38) Swi nga endleka vanhu volavo va sungule ku gandzela Yehovha endzhaku ka loko va vone Makhombo ya Khume lawa Muxe a vulavuleke ha wona ma endleka.

Munhu un’wana ni un’wana loyi a nga ta sungula ku gandzela Yehovha endzhaku ka loko Babilona Lonkulu a lovisiwile, u ta va ni nkateko wo seketela vamakwavo va Kreste lava nga ta va va ha ri kona laha misaveni. (Mat. 25:​34-36, 40) I ntiyiso leswaku nkateko wo va vanhu va avanyisiwa tanihi tinyimpfu wu ta hela loko ku sale nkarhi lowutsongo leswaku Armagedoni yi sungula, loko vahlawuriwa lava ha saleke laha misaveni va kuma hakelo ya vona ya ku ya hanya etilweni.

Ku antswisiwa loku ka matwisiselo, ku kombisa tintswalo ni rirhandzu lerikulu leri Yehovha a nga na rona. Hakunene a “nga naveli leswaku ku lova ni un’we, u lava leswaku vanhu hinkwavo va hundzuka.”—2 Pet. 3:9.

    Minkandziyiso Ya Xitsonga (1987-2025)
    Huma
    Nghena
    • Xitsonga
    • Rhumela
    • Leswi u swi tsakelaka
    • Copyright © 2025 Watch Tower Bible and Tract Society of Pennsylvania
    • Swipimelo Swo Tirhisa Website Leyi
    • Milawu Yo Sirhelela Rungula Ra Xihundla
    • Seta Swa Xihundla
    • JW.ORG
    • Nghena
    Rhumela