Vuyeriwa Eka Matsalwa Lama Kumekaka Eka Kholomo Leyi Nga Exikarhi Ka Tluka Ra Bibele

Matsalwa lama kumekaka eka kholomo leyi nga exikarhi ka Bibele—Matsalwa Yo Kwetsima Ya Misava Leyintshwa ma kombisa leswaku Bibele ya pfumelelana hikuva yi xaxameta matsalwa man’wana lama vulavulaka hi mhaka leyi fanaka naswona ma nga ni rungula leri engetelekeke. Matsalwa wolawo hi ma vona hi letere leri khomaneke na rito. Eka Bibele leyi kandziyisiweke, lava letere leri fanaka etlhelo kumbe exikarhi ka tluka leswaku u kuma matsalwa lama fambisanaka na mhaka yoleyo. Eka jw.org kumbe JW Library® app, tlhava letere rolero leswaku u kuma matsalwa lama fambisanaka ni mhaka yoleyo.

Matsalwa lama kumekaka eka kholomo leyi nga exikarhi ka tluka ma nga ku yisa eka swin’wana swa leswi landzelaka:

Matsalwa Lama Fanaka: I matsalwa yo hambana lama hlamuselaka mhaka leyi fanaka. Hi xikombiso, vona 2 Samuwele 24:1 na 1 Tikronika 21:1.

Matsalwa lama nga ni rungula leri tshahiweke: I matsalwa lama kombisaka laha ntshaho wu humaka kona. Hi xikombiso, vona Matewu 4:4 na Deteronoma 8:3.

Vuprofeta lebyi hetisekeke: I matsalwa lama kombisaka ndlela leyi vuprofeta byi hetisekeke hayona eka tsalwa leri hambaneke. Hi xikombiso, vona Matewu 21:5 na Zakariya 9:9.