Mintirho Ya Timbhoni Ta Yehovha Ya Manguva Lawa

Uganda

Vanhu va le Uganda lava nga ni ndlala yo twa ntiyiso va tiyisele nkarhi wa tihanyi swinene ematin’wini ya tiko leri. Hlaya u twa leswaku va swi kotise ku yini ku khoma minhlangano erivaleni hambileswi ntirho wa vona a wu yirisiwile. Dyondza leswaku xiga lexi nge, Obwakabaka bwa Katonda xi vula yini ni leswaku xi ku hlanganisa njhani ni vamakwerhu lava va xinuna ni va xisati lava tshembekaka.

Albania

Xana vugandzeri bya ntiyiso byi pone njhani hambiloko vukhongeri hinkwabyo a byi ri karhi byi herisiwa? Xana vamakwerhu a va ta tshama va tiyile hambiloko va xanisiwa hi tihanyi ku ringana tiawara to tala? Xana makwerhu la tshembekaka loyi a ri kusuhi ni ku fa u va nyike ndzayo yihi vamakwerhu lavantshwa lava a va langutane ni ku pfaleriwa ekhotsweni? Kuma tinhlamulo ta swivutiso leswi eka matimu ya vamakwerhu lava vo tshembeka.

Belize

Malandza ya Yehovha lama titsongahataka ni lama tirhaka hi matimba ma rhangerile eku dyondziseni ntiyiso etikweni leri nga ni mindhavuko yo hambana-hambana. Twana leswi a swi endleka eka “Rivala ra Nyimpi” naswona u twa ndlela leyi Timbhoni ta Yehovha ti nga angula ha yona endzhaku ka loko ku hlasele Xidzedze lexi vuriwaka Hattie lexi nga ni matimba. Hlaya hi maendzo yo ya chumayela etindhawini ta le kule leti rhuleke ta Belize eBarrier Reef.